Ondarroan arraina lehorreratzen zuen 'Sin querer dos' ontzia hondoratu da
Portonovo-ko (Galizia) portuan izena emanda dagoen Sin querer dos ontzia hondoratu egin zen eguaztenen [abenduak 19] eguerdian, 13:49ean, ezagutzen ez diren arrazoiengatik. Ontzia Galiziakoa baldin bazen ere, Ondarroan askotan lehorreratzen zuen arraina. Abenduaren 7an egon zen azkenekoz Egidazu kaia portuan.
Ontzia Fisterrako lurmuturretik lau milia eta erdira hondoratu zen, Carnotatik oso gertu. Ondorioz, Cambados-eko hiru marinel ito ziren, tartean, ontziko kapitaina. Oraindik ere, beste marinel baten bila ari dira larrialdi zerbitzuak, hura ere Cambados-ekoa.
Ontziko beste sei marinel inguruan arrantzan ari ziren beste ontzi birek onik atera zituzten uretatik, baina hipotermia zantzuekin. Zehatz esanda, Hermanos da Silva ontziak bi marinel erreskatatu zituen eta Miera da Costa-k, lau.
