Ainhoa Tolosa, Gorka Martin eta Hodei Crujeiras, Dzanga Kayak-Surf Txapelketako onenak
Emakumezkoetan Ainhoa Tolosa piragua luzeagaz zein motzagaz onena izan da. Hodei Crujeirasek sekulako ezustekoa eman du piragua motzetan.
Parte hartzaile bat III. Dzanga Kayak-Surf txapelketako olatu bat hartzen. Argazkia: Dzanga Zapatuan Mendexako Karraspioko hondartzan lehiatu zuten III. Dzanga Kayak-Surf Txapelketak baditu irabazleak. Horietan onenak Ainhoa Tolosa, Gorka Martin eta Hodei Crujeiras izan ziren. Tolosak sasoiko dagoela erakutsi zuen beste behin ere. Emakumeetan Open kategoriako onena izan zen piragua motzagaz zein luzeagaz. Diziplina bietan Olatz Garmendia eta Irati Bordagai izan zituen atzetik podiumean.
Open kategorian gizonezkoetan, berriz, mundu mailan lehiatzen aritzen den Gorka Martinek piragua luzeekin duen eskarmentua begi bistan laga zuen. Bigarren eta hirugarren postuak, hurrenez hurren, Hodei Crujeiras eta Odei Etxeberriarentzat izan ziren. Piragua motzei dagokienez, Hodei Crujeiras gazteak sekulako ezustekoa eman zuen finalean, munduko txapelketetan lehiatzen aritzen diren onenei irazita. Bigarren postua Odei Etxeberria munduko txapeldunordearentzako izan zen eta hirugarren postua, berriz, Xabi Olanorentzat.
30 piraguistek parte hartu zuten proban. Goizean kanporaketak jokatu zituzten, eta arratsaldean finaleko saioak jokatu zituzten. Txanda bakoitzean hamar olatu hartu ahal izan zituzten partaideek; horietako bi puntuaziorik onenak hartu zituzten kontuan. Open kategoriako lehiaz gain, kadete, junior, master eta grand master kategoriako txapelketak ere erabaki ziren Karraspioko uretan.
Dzanga Lekeitioko piragua taldeak txapelketari buruzko balorazio oso ona egin du. “Baldintza onak edukitzea ez da erraza izaten. Metro erdi handiagoko olatuekin hobeto ibiliko ginen, baina balorazio ona egin dezakegu. Eskerrak eman nahiko genizkieke proba hau aurrera eramateko ahalegina egin dutenei”.
Itsasgoran olatu gehiago egongo zela aurreikusita bazegoen ere, olatu gutxi egon zela nabarmendu dute antolatzaileek. “Txapelketa hasi baino ordu pare bat arinago itsasoa bare-bare zegoen. Txapelketaren hasiera 40 minutu atzeratu behar izan genuen, izan ere, olatuak gehitzen hasi ziren”. Itsasoaren baldintzak esperotakoak modukoak izan ez baziren ere, metro inguruko olatuak egon ziren, txapelketan parte hartu zutenek olatu artean ondo pasa eta ikuskizun ederra eman zutela esan dute.
SAILKAPENA
IC, emakumeak
- Ainhoa Tolosa
- Olatz Garmendia
- Irati Bordagarai
- Naroa Larruskain
- Xiang Messacasa
HP, emakumeak
- Ainhoa Tolosa
- Olatz Garmendia
- Irati Bordagarai
- Naroa Larruskain
- Xiang Messacasa
Open IC, gizonezkoak
- Gorka Martin
- Hodei Crujeiras
- Odei Etxeberria
- Xabi Olano
Open HP, gizonezkoak
- Hodei Crujeiras
- Odei Etxeberria
- Xabi Olano
- Gorka Martinez
Kadete IC, gizonezkoak
- Aiur Illarreta
- Jon Etxeberria
- Urko Iturrioz
- Adrian Labidi
Kadete HP, gizonezkoak
- Aiur Illarreta
- Jon Etxeberria
- Adrian Labidi
- Urko Iturrioz
Junior IC, gizonezkoak
- Iñaki Urbe
- Eñaut Calvo
- Peru Barandiaran
Junior HP, gizonezkoak
- Aimar De la Fuente
- Peru Barandiaran
- Eñaut Calvo
- Iñaki Urbe
Master IC, gizonezkoak
- Xabier Ituarte
- Oskar Martinez
- Javier Rodriguez
Master HP, gizonezkoak
- Edu Etxeberria
- Xabier Ituarte
- Gaizka Ballesteros
- Oskar Martinez
Gran Master HP, gizonezkoak
- Txema Carrero
- Ruben Del Rio
- Agus Illarreta
- Javier Rodriguez
