Asteburuan 32 positibo berri atzeman dituzte Lea-Artibain eta Mutrikun
506,19ko tasarekin, gune gorriko udalerrien zerrendan sartu dute Mutriku. Lekeitio, aldiz, gune gorriko zerrendatik atera dute; gune laranjan dago Ondarroagaz batera.
Barikuan, zapatuan eta domekan [urriak 23-24-25] egindako PCR probetan ere positibo berriak antzeman dituzte Lea-Artibain eta Mutrikun. Guztira 32 kasu berri erregistratu dituzte. Oraingoan Markina-Xemeinen eta Ondarroan antzeman dituzte positibo gehienak, bederatzina herri bakoitzean. Hemen herriz herriko zerrenda:
- Berriatua: 2 (domekan).
- Etxebarria: 3 (domekan).
- Lekeitio: 5 (4 zapatuan eta 1 domekan).
- Markina-Xemein: 9 (5 zapatuan eta 4 domekan).
- Ondarroa: 9 (1 zapatuan eta 8 domekan).
- Mutriku: 4 (2 barikuan eta beste 2 domekan).
Datuei erreparatuz, gainera, gune gorrian sartu dute Mutriku, asteburuan 100.000 biztanleko 500 kasu positibo baino gehiagoko muga gainditu ostean. Azken hamalau egunotan datuak kontuan hartuta, 506,19ko tasa agertu du. Hortaz, Eusko Jarlaritzak aparteko prebentzio neurriak hartu beharko dituzte udalerrien zerrendan sartu dute Mutriku ere. Besteak beste, taberna eta saltokiak 21:00etan itxi beharko dituzte. Lekeitio, berriz, datuak hobetuta (455,42) gune gorrian dauden zerrendatik atera da. Ondarroagaz batera (477,30), gune laranjan dago.
Araban, Bizkaian eta Gipuzkoan azken hiru egunetan 35.522 PCR proba egin dituzte: 13.892 barikuan [urriak 23], 11.050 zapatuan [urriak 24] eta 10.580 domekan [urriak 25]. Horietatik guztietatik 3.162 positibo atzeman zituzten (%8,93). Hiru egunetan, Araban 303 positibo atzeman dituzte, 1.371 Bizkaian eta 1.452 Gipuzkoan.
