Mutrikuko Iratxo ludotekan izena emateko epea zabalik dago
Interesatuek urtarrilaren 15a baino lehen izena eman beharko dute. Izen emate orriak Ludotekan bertan eskuratu daitezke.
Urtarrilean, otsailean eta martxoan seme-alabak Mutrikuko Iratxo ludotekara bidali nahi dituzten gurasoek horretarako aukera zabalik daukate. “Izena eman nahi baduzue gerturatu zaitezte ludotekara. Izen emate orria bertan izango duzue eskuragarri”. Izen emate orriak bete ondoren ludotekara eraman beharko dira, urtarrilaren 15a baino lehen. Izen ematearekin lotuta, gainera, ate irekiak jardunaldiak ere antolatu dituzte. Jardunaldi horietan parte hartzeko interesa dutenek antolatzaileek Interneten ipini duten galdetegia bete beharko dute.
Ludoteka 16:00etatik 19:30era egongo da zabalik, astelehenetik eguenera, eta 3 eta 12 urte bitarteko haur eta gazteek parte hartu ahal izango dute antolatzen diren ekimenetan. 3 eta 5 urte bitartekoak Merkatu Plaza ondoan dagoen ludotekan batuko dira, eta hortik gorakoak Frontoi kaleko Gaztelekuan. Zehaztu dutenez, adin tarte bakoitzari ordu tarte bat egokituko zaio. “Behin betiko ordutegia aurrerago zehaztuko da”.
