Ekainaren 21ean zabalduko dute Ondarroako Plazagain ludoteka
Izen ematea zabalik dago. Ekainaren 18an gurasoentzako batzar informatiboa egingo dute.
Haur Hezkuntzan dabiltzan ikasleei zuzenduta, Plazagain ludoteka zerbitzua eskainiko du beste urte batez Ondarroako Zubi Zahar herri ikastolak, Ondarroako Udalak lagunduta. Zehaztu dutenez, HH3, 4 eta 5eko haurrei zuzenduta egongo da udaldiko aisialdi eskaintza. Azken urteotan egin modura, aurten ere Bixikaneko lokalean eskainiko dute zerbitzua. Ekainaren 21ean hasiko da abantean ludoteka eta uztailaren 30ra arte luzatuko da. Astelehenetik barikura egongo da zabalik, 10:00etatik 13:30era.
Guztia antolatzeko, interesa duten gurasoentzat batzar informatiboa egingo dute ekainaren 18an udal ludotekan bertan; 18:30ean ipini dute hitzordua. Informazio gehiagarria jaso edota ludotekan izena eman nahi dutenek 94-683 14 16 telefono zenbakira deitu beharko dute.
