Berriatuko Mendibarrenen jokatuko da Winter Series Pro-Am zesta-punta txapelketa
Gaur [irailak 30] 20:00etatik aurrera jokatuko dira lehen bi partidak
Profesionalen iazko arrakastaren ondoren, badator zesta-puntako Winter Series Pro-Am. Txapelketa berri honek harrobiko harri bitxiak eta esperientzia handiko puntistak uztartzen ditu. Gernika Jai Alaien helburua da pilotariei kirol erakusleiho bat eskaintzea da, horrek dakarren ikusgarritasunagaz batera. Horrenbestez, Winter Series modeloa zabaldu nahi dute, harrobira hurbilduz.
Estatu Batuetan gazteek jokatzeko aukera gehiago zituzten, hori da, hain zuzen ere, txapelketa honek bilatzen duena. Asko dira parte hartuko duten gazteak, Lea-Artibaikoak batez ere: Eñaut Urreisti (Mutriku, 2004), Gorka Mugartegi Atain (Markina-Xemein, 2004), Alex Goitia (Markina-Xemein, 2001), Mikel Manzisidor (Mutriku, 1999) eta Ion Ibarluzea (Markina-Xemein, 1996). Horrez gain Iparraldeko etorkizun handiko bi pilotarik ere lehiatuko dute, Thomas Urrutiak (Donibane-Garazi, 2001) eta Bixente Gonzalezek (Biarritz, 1999).
Beteranoen artean, onenen artean tokia eskuratzeko borroka daudenen artean, daude Jokin Arbe eta Eñaut Salegi markina-xemeindarrak, Antxon Alberdi etxebarritarra, Aimar Aldazabal berrituarra eta Roberto Lekue ondarrutarra. “Denak ala dena lehiakorrak, eredugarriak, eta gazteenen ispilu dira haien konpromiso eta profesionaltasunagatik”, adierazi dute antolatzaileek.
Sei bikote osatu dituzte eta hiru bikoteko bi multzo osatu dituzte. Bi bikote onenek egingo dute aurrera finalaurrekoak jokatzeko. A multzoan daude Arbe-Lekue, Eñaut-Ibarluzea eta Urrutia-Aimar bikoteak, eta B multzoan, Bixente-Manzi, Alex-Atain eta Antxon-Salegi. Partida denak Berriatuko Mendibarren frontoian jokatuko dira, eta ligaxkako faseko partidetan sarrera doakoa izango da. Finala Euskal Telebistetako kameretatik emitituko da.
Winter Series Pro-Am gaur [irailak 30] hasiko da lehen bi partidekin. Jardunaldien egutegia:
- Barikua, irailak 30, (20:00etan):
- ARBE-LEKUE vs EÑAUT-IBARLUZEA
- BIXENTE-MANZI vs ALEX-ATAIN
- Domeka, urriak 2, (11:30ean):
- ARBE-LEKUE vs URRUTIA-AIMAR
- BIXENTE-MANZI vs ANTXON-SALEGI
- Urriak 7, barikua (20:00etan):
- EÑAUT-IBARLUZEA vs URRUTIA-AIMAR
- ALEX-ATAIN vs ANTXON-SALEGI
- Urriak 14, barikua (20:00etan):
- FINALAURREKOAK
- Urriak 17, astelehena (ordutegia zehazteke)
- FINALA (ikusgai ETBn)
