San Andres Jaiek emango diote ongi etorria abenduari, Etxebarrian
Etxebarrian eguaztenean [azaroak 30] San Andres Egunean bilduko dira ekintza nagusiak, herriko frontoian.
Lea-Artibai eskualdean Etxebarrin ospatuko dituzte San Andres jaiak. Sanandresak herriko ospakizunik handienetakoak dira. Azaroaren 30ean, San Andres Egunean, oinarrituko dituzte ekimenak.
Hala ere, domekan [azaroak 27] Iker Galartza eta Zuhaitz Gurrutxaga antzezleen ‘Lehendakari gaia’ antzerkia ikusteko aukera egongo da 18:00etan, frontoian. Bertan, oinarrituko dira egitarauko ekimen gehienak. Herri kiroletatik, briska txapelketara edota eguazteneko afarira, denak ala denak frontoian. Mirari Azkuna eta Aintzane Agirrebeñaren musikak girotuko du nagusien afaria. 18:30ean sari banaketan argituko dituzte kartel lehiaketako irabazleak. Aurten 49 lan aurkeztu dira:
0-5 urte bitartekoak: 10
6-9 urte bitartekoak: 19
10-16 bitartekoak: 15
Nagusiak: 5
Egitaraua:
-Domeka, azaroak 27
18:00. ‘Lehendakari Gaia’ antzerkia, frontoian.
-Eguaztena, azaroak 30
11:00. Meza.
11:00-13:00. Ume eta nagusientzako herri kirol jokoak, frontoian.
16:00. Briska txapelketa.
16:00-17:30. Ume eta nagusientzako herri kirol jokoak.
18:30. San Andres kartel lehiaketako sari banaketa.
Ondoren. Herriko umeentzat afari-merienda.
20:00. Herriko nagusientzat afaria, Mirari Azkuna eta Aintzane Agirrebeñaren musikaz girotuta.
