Hamabi postu egongo dira Lekeitioko Emakume Sortzaile eta Ekintzaileen VI. Azokan

Domekan [martxoak 19] Independentziaren Enparantzan kokatuko dira eguraldi ona egin ez gero.

2023/03/14

Beste urte batez, eta dagoeneko seigarrena da, Lekeitioko eta inguruko emakumeek haien produktuak eskaintzeko aukera izango dute domekan [martxoak 19], 11:30etik 14:30era. Lekeitioko Udaleko Emakumea eta Berdintasuna arloak Lea Artibai Fundazioagaz elkarlanean antolatu du azoka. “Azoka honek Lekeitio eta inguruko emakume sortzaile eta ekintzaileen lana balioan jarri nahi du, haiek ekoiztutako produktuentzako erakusleihoa bihurtzen den heinean. Helburua da Lekeitio eta inguruko emakumeek egiten duten lana ikusarazi eta honi presentzia eta indarra ematea”, adierazi dute.

Independentzia Enparantzan jarriko dituzte hamabi postuak, baldin eta eguraldia lagun badute. Bestela, antolatzaileek jakinarazi dutenez, eguraldi txarragaz, ohi moduan, Kontzijopera aldatuko dituzte postuak. Bertan saltoki anitzak aurkitu ahalko dituzte bertaratzen direnek. Udaletik gogoratu dute postu hauek deialdi ireki baten bitartez aukeratuak izan direla. Horrez gain, estanpazio tekniken tailerra, bolilloen erakusketa eta Musikaia musika eskolaren emanaldia ere antolatu dituzte.

Hurrengokoak dira egongo diren saltokiak:

Izena	Marka	Produktua
Fedora Berrino	Botxintxe	Umeentzako jantziak
Agurtzane Ugalde Munixa	AGTZ Prints	Kamiseta eta sudaderak
Bidane Baskaran	Patxi Baskaran	Gazta eta esnekiak
Cristina Albisua Cacho	Orratz	Oihalezko osagarriak
Patricia Diez Bolaños	Dzemento	Zementuz eginiko figurak
Nagore de la Torre Amuriza	Ene Kreazioak	Ehun-gaiak eta lege-zilarrezko osagarriak
Ilia Mitxelena Fokonda	Platinela	Zilarrezko osagarriak
Antigua Ibazeta Goitiz	Lauky	Larruzko poltsak
Soraya Chaves Agulla	Eskune	Itsasoko beiraz sortutako bitxiak
Ana Belen Montes Sastre	Ana Montes	Oihalez egindako osagarriak
Marta Garmendia Oyarzabal	Nahiubijoux	Bitxiak lore naturalekin
Karolina Peños Salina	Karola	Kosmetiko naturalak