Mendexako EH Bilduk herriko funtzionamenduaren aldaketa "sakon" bat proposatzen du
Mari Jose Uriarte da alkategaia, lau auzoak ordezkatzen dituen eta profil “oso ezberdinez” osatutako “konfiantzazko” zerrenda bategaz.
Mendexako EH Bilduren kandidaturak helburu modura funtzionamendu aldaketa sakon bat dakar: “Batzorde funtzionamendua nahi dugu Mendexan”. Eguneroko kudeaketaz gain, “epe luzera begira” ere jartzen den programa bategaz aurkezten dira. “Mendexarako proiektu estrategikoak garatzeko beharra ikusten dugu, herritar guztiekin eta profesionalekin elkarlanean”. UEMAn (Udalerri Euskaldunen Mankomunitatean) sartzeko eskaera egitea proposatzen dute.
Alkategaia Mari Jose Uriarte da, herriarentzat “onena egiteko” aurkezten dela dio, “konfiantzazko” talde bategaz: Mendexako lau auzoak ordezkatzen dituena eta profil oso ezberdinez osatutakoa. “Mediku gabe egon garenean garbi geratu da, herri honek baduela elkartu eta duintasuna nahiz ongizatea aldarrikatzeko gaitasuna. Bide horri ekin behar diogu”.
Argazkia: Mendexako EH Bildu
