Hots abesbatzak lehen aldiz kontzertua eskainiko du Markina-Xemeinen
Barikuan 22:00etan [uztailak 7] Karmengo Elizan azken hilabeteetan egindako lanaren emaitza erakutsiko dute.
Oñatiko Hots abesbatza oñatiarrez gain, inguruko herrietako, probintziako eta baita Lea-Artibaiko kideez osatuta dago. 40 emakumek osatzen dute taldea eta ahots zuri korua deitzen zaie. Abuztuan Italiako Arezzo herrian txapelketa batera aurkeztu dira eta bertan abestuko dituzten kantak eskainiko dituzte: “Azken hilabeteetan egindako lana erakutsi nahi dugu eta horrez gain, Italiara eramango ditugun abestiak erakutsi markina-xemeindarrei”. Hots abesbatzak iaz bi sari irabazi zituen Zaragozako (Espainiar Estatua) Egea de los Caballos herriko beste txapelketa batean. Emeki koralak ekarri ditu lehen aldiz Markina-Xemeinera udalaren laguntzagaz.
Ahots hutsez abestuko dute baita pianoak lagunduta ere. Aitor Biain Bidarte da zuzendaria eta Amaia Zipitria piano jotzailea. “Askotariko kantak eskainiko ditugu, besteak beste, erlijiosoak edota euskaldunak baita erbestekoak ere”, adierazi dute.
