Faboritoak nagusitu dira Mutrikuko emakumezkoen elite txapelketan
Barikuan [urriak 6] lehen jardunaldian baino ikusle gehiago bertaratu zirela esan dute Danok Bat taldetik.
Hasi bezain laster, eta etenik gabe, emozioz bete da Mutrikuko emakumezkoen zesta-punta txapelketa. Barikuko [urriak 6] bigarren jardunaldian, Naroa Merinok eta Frida Wtakinsek Erika Mugartegi eta Maialen Aldazabal izan zituzten aurkari. Markina-Xemeindarra eta berriatuarra ziren eta faborito eta hasieratik ezarri zuten aldea markagailuan. Bikote “oso indartsua” osatu zuten eta batez “askoz hobeto” elkar ulertu zirela azaldu dute Danok Bat pilota elkartekoek. Merinok ea Watkinsen haien onena eman bazuten ere, partida aurrera joan ahala bi bikoteen aldea are eta gehiago handitu zen. Azkenean 15-30 nagusitu ziren Mugartegi eta Aldazabal.
Aldazabal-Mugartegi eta Merino-Watkins. Argazkia: Danok Bat
Bigarren lehia “askoz berdinduagoa” izan zen. Partida “oso polita eta maila izugarrikoa” eskaini zuten Maite Ortiz de Mendibilek eta Arai Lejardik batetik eta Ihart Arakistain eta Eneritz Lizardik bestetik. Maila oso altuan aritu ziren lau puntistak. 7-14 aurreratu ziren Ortiz de Mendibil eta Lejardi, baina Araskitain eta etxeko puntista gai izan ziren markagailua berdintzeko. Hortik aurrera berdintasuna izan zen nagusi, aldeak ezarri zituen bakarra Lejardi izan zen atzeko koadroetan, bera izan zen lauretatik pilotaririk onena. 30-24 irabazi zuten.
Lizargi-Arakistain eta Maite-Lejardi. Argazkia: Danok Bat
Antolatzaileek esan dute “gero eta ikusle gehiago” hurbiltzen ari direla Miruiatz frontoira eta giro “polita” sortzen ari dela. Espero dute ligaxkako azken jardunaldiari begira frontoia betetzea, eta batez ere kanporaketetarako. Barikuan [urriak 16] Merino/Lizardi eta Arakistain/Watkins eta Ortiz de Mendibil/Aldazabal – Mugartegi/Lizardi partidak jokatuko dira.
Miruaitz frontoia emakumezkoen elite txapelketan. Argazkia: Danok Bat
