Udalekuak, Lekeition!
Lekeition, uda sasoiari begira, abenturaz eta elkarbitzitzaz betetako 6 eguneko esperientzia eta bizipen ahaztezinez osatutako egonaldiak.
Lekeitiok ematen dituen aukera desberdinak ikusita, eta batez ere, azken urteotan herriak turismoari begira izan duen bilakaera kontuan izanda, Azkue Natura Ikastolak eta Leaktibai abentura taldeak elkarlanean, egonaldi aukera desberdinak eskaintzeko proiektua abian jarri genuen Lekeition. Gaur egun, udaleku programa desberdinez gain, ikastetxe, aisialdi, kultura edo kirol talde desberdinentzat egonaldi ezberdinak eskaintzen ditugu..
Programa
Multiabentura udalekuen helburu nagusia naturan eta lagunartean egonaldi atsegina izatea eta ondo pasatzea da. Jarduera fisiko-emozionalak gaztetxoenen artean sustatu nahi ditugu eta bakarkako edo elkarlanean oinarritutako esperientzia pertsonalen bitartez trebezia gaitasun desberdinak garatzea eskaintzen dugu.
Helburu orokorra
- Zaletasunak ezagutzea eta ikuspegi berritzaile batetik garatzea.
- Estereotipoak gaindituz, aisialdiaz gozatzeko aukerak zabaltzea.
- Autonomiaren eta ahalduntzearen garapenean laguntza eskaintzea.
- Nerabeen arteko errespetuzko harremanak sustatzea.
- Hezitzaileen eta nerabeen arteko konfiantzazko harremana eraikitzea.
- Lekeition 10 urtetatik 14 urte bitarteko umeen eskolaz kanpoko ekintzetan euskararen erabilera sustatzea.
- Jende berria ezagutzea, giro berriak sortzea, euskara izanda harremantzako hizkuntza bakarra.
- Lekeitioko eta Lea-Artibaiko historia eta ohiturak ezagutzea, ingurumenaren zaintza bultzatzen duten ekintzen bidez.
- Parte hartze aktiboa bultzatzea.
- Umeen elkarbizitza eta sozializazioa bultzatzea, jokoaren bitartez, hezkuntza eta balore positiboak indartuz.
- Euskaraz egiten diren ekintzak, hizkuntza honen normalizazioa lortzeko tresna moduan erabiltzea.
Izena ematea
Martxoaren 11n zabaldu zen izena emateko epea eta ekainaren 7an zarratuko da.
Txanden datak
- 1. txanda uztailaren 21etik 27ra izango da, eta 8tik 12 urtera bitarteko gaztetxoentzat.
- 2. txanda uztailaren 28tik abuztuaren 3ra izango da, eta 12tik 14 urtera arteko gazteentzat.
- 3. txanda abuztuaren 4tik 10era izango da, eta 8tik 12 urtera bitarteko gaztetxoentzat.
Prezioa
6 egun iraungo dute udalekuek eta 360 euro ordaindu beharko du gaztetxo bakoitzak.
- Familiako bigarren umeak %10eko deskontua izango du.
- Martxoaren 11tik apirilaren 12ra bitartean izena ematen dutenek %5eko deskontua izango dute.
Menuak
Gure menuak sasoiko eta bertoko produktuekin prestatzen ditugu.
Egoitza
Lekeitioko Azkue Natura Ikastola.
Informazio gehiago:
udalekuaklekeitio.eus
