Berriatua, Aitxe Kutz jaiez gozatzear
Bihar [irailak 14] goizetik gauera arteko egitarauaz gozatzeko aukera izango dute berriatuarrek, Aitze Kutz jaiak ospatzeko aterkipean.
Uda amaitzear den honetan, Aitxe Kutz edo Santa Kurtze jaiak hartuko dute tokia zapatuan [irailak 14] Berriatuan. Berriatuarrek Udalak prestatutako egitarau borobilaz gozatzeko aukera izango dute.
Kirola nagusituko da herrian, gainera. Mugimenduz, martxaz eta kirolez beteko den eguna espero da, alegia. Goizeko 11:00etan umeentzako jolasekin emango diote hasiera egitarauari, duatloiarekin eta herri kirolekin. Ondoren, 13:00ak aldera, herritarren arteko herri kirolak eta lasto jaurtiketa aurreikusten da, Tubiren eskutik. Honekiko, hurrengoa iragarri du Berriatuako Udalak, kartelarekin batera: “Kalean bazkaldu nahi duenarentzat udalean eskatuz gero mahaiak eta aulkiak jarriko dira”.
Bazkalostean, ura gailenduko da, beti ere, mugimenduari tartea utziz: ur jolasekin hasiko baitu arratsaldea herriak. Futbol zelaian izango da hitzordua 16:30-18:30 bitartean, Bubble balls jokatzeko. Parte hartzeko gutxieneko altuera 1.35 izango dela adierazi dute, hala nola. Bizikleta desafioarekin itxiko dute kirolez beteriko egune, eta musikari eta janari emango diote tokia, ondoren. Gorka eta Izarra Trikitilarien txanda izango da 19:30ean. 20:00etan, berriz, herritarrak parrilladaz gozatzeko aukera izango dute.
