Otsailaren 7a da ipuin eta marrazki lehiaketan parte hartzeko azken eguna
10. urtez antolatu dute lehiaketa eta ohiko oinarriak jarraitu behar dira, sariak ere iazko berak dira.
Martxan dago beste urte batez Berriatuko marrazki eta ipuin lehiaketa. 10. urtez antolatu dute eta lanak entregatzeko azken eguna otsailaren 7a da. Azken urteetako oinarriak errepikatu dituzte antolatzaileek.
Marrazkiei dagokienez, DIN A3 neurrian aurkeztu behar dira, eta teknika librea da. Ipuinak, ostera, DIN A4 orrian, Times New Roman letragaz, 12 puntuko tamainagaz eta 1,5eko lerro arteagaz aurkeztu behar dira; euskaraz idatzita egon behar dute, batuan zein bizkaieran. Luzerari dagokionez, LH3 eta LH4ko umeentzako ez dago gutxienekorik, LH5 eta LH6koek orrialde bat idatzi behar dute gutxinez, 12 eta 15 urte bitartekoek bi orrialde eta 16 urtetik gorakoek gutxienez hiru orrialde entregatu behar dituzte.
Bi lehiaketetan gaia librea da, eta parte hartzaile bakoitzak nahi beste lan aurkeztu ahal ditu; modalitate bakoitzeko sari bakarra jaso ahal izango da. Ipuinak posta elektronikoz aurkeztu behar dira (liburutegia@berriatua.org), eta PDF formatuan; marrazkiak liburutegian aurkeztu behar dira.
Ipuinen kasuan, posta elektronikoan izen-abizenak, maila edo adina eta harremanetarako kontaktua zehaztu behar dira. «Aurkeztutako dokumentuan ez ipini izenik ezta bestelako daturik». Aurkezten diren marrazki eta ipuin guztiak ikusgai jarriko dira. Epaimahaia herriko idazle batek eta euskara irakasle bik osatuko dute. Irabazleak martxoko literatur astean egingo duten sari banaketan jakinaraziko dituzte. Aurkezten diren marrazki eta ipuin guztiak ikusgai jarriko dituztela aurreratu dute.
-
Marrazkiak: Sariak
-
HH5: 20 euroko bonoa.
-
LH1-LH2: 20 euroko bonoa.
-
LH3-LH4: 30 euroko bonoa.
-
LH5-LH6: 40 euroko bonoa.
-
12-14 urte bitartekoak: 40 euroko bonoa.
-
15 urtetik gora: 150 euro.
-
-
Ipuinak: Sariak
-
LH3-LH4: 30 euroko bonoa.
-
LH5-LH6: 30 euroko bonoa.
-
12-15 urte bitartekoak: 40 euroko bonoa.
-
16 urtetik gora: 150 euro.
-
