Berriatuko eta Markina-Xemeingo zesta eskolak nagusi, Euskal Herriko Txapelketan
Uni frontoiak hartu zituen zapatuan [martxoak 8] kluben arteko harrobikoen eta nesken finalak, eta Zumaiak nagusiena.
Uni frontoiko sari banaketaEuskal Pilota Federakuntza Lea-Artibai gaur egungo zesta-puntako erreferente nagusietako bat da. Beste urte batez, Berriatuko eta Markina-Xemeingo zesta eskolek banatu dituzte Euskal Herriko kluben arteko Txapelketak. Hain zuzen ere, Uni frontoiak hartu zituen finaletako asko zapatuan [martxoak 8].
Gazteenen artean Berriatuko harrobiak bere indarra erakutsi zuen. Kadete mailan, Aldazabal eta Urkirik 30-27 irabazi zieten Zumaiako Silveti eta Watkins bikoteari txapela janzteko. Emaitza beragaz ere nagusitu ziren Alberdi eta Goikoetxea berriatuarrak Hondarribiko zesta eskolako Zamora eta Bereauri.
Maila horretatik aurrera, Markina-Xemeingo zesta eskola nagusitu zen. 22 urte azpikoetan, Maguregi eta Landaluzek osatutako bikoteak 30-20 irabazi zuten Andoaingo Gazteleku klubeko Altuna eta Itoizen kontra. Emakumezkoetan, berriz, erabateko nagusitasuna erakutsi zuten markina-xemeindarrek, haien arteko finala jokatu zuten. Mugartegik eta Lejardik 30-22 gailendu zitzaien Arriaga eta Lejardiri.
Zumaiako talde argazkiaEuskal Pilota Federakuntza
Nagusien gizonezkoen finala, ordea, Zumaian jokatu zen barikuan [martxoak 7]. Lea-Artibaiko finala izan zen, Markina-Xemein eta Berriatuaren artekoa. Pentsa baino errazago nagusitu ziren Arbe eta Salegi, haien esperientzia baliatuta, 30-14 nagusitu zitzaien Alberdi eta Aldazabali.
