Neskek hartu dute Mendibarren frontoia
Gaur [martxoak 15] Berriatuko VII. Nesken Zesta-Punta Txapelketako azken fasea jokatu dute. Getariara, Berriatura, Markina-Xemeinera eta Tolosara joan dira txapelak.
Berriatua herri zesta-punta zalea da, baita erreibindikatzailea ere. Zazpigarren urtez antolatu dute Nesken Zesta-Punta Txapelketa. Gaur [martxoak 15] jokatzen ari dira azken fasea. Goizean finalerdiak jokatu dituzte eta arratsaldean finalen txanda izango da. Berritxuko Zesta Eskolak, herriko foro feministak eta Berriatuko Udalak Martxoan (ere) feminista egitasmoaren baitan.
Euskal Herri osoko zesta eskolek parte hartzen dute txapelketan, iaz hamabost izan ziren guztira, eta aurten hogei, hau da, 80 puntista baino gehiago. Ingurukoak, Markina-Xemein, Gernika-Lumo Lekeitio, Mutriku eta Berriatua; eta beste batzuk urrunagokoak, Sopela, Gasteiz, Zumaia, Tolosa, Mexiko Iberriozar, Katalunia, Pamiers, Noain, Durango, Hondarribi, Pau, Cabanillas, Durango, Getari eta Andoain. Hain zuzen ere, Berriatukoa indartsuenetako bat da harrobiari dagokionez, nesketan zein mutiletan.
[IKUSI ARGAZKI GALERIA ZUZENEAN]
09:30ean hasi dituzte finalerdiak, hurrengokoak izan dira emaitzak: Maite-Carine 22/25 Itxasne-Goizalde, Elene-Mirari 25/22 Katalin-Izaro, June M.-Lucie 24/25 Garazi-Laia D., Erika-Irati 25/18 Maite-Xana, Idoia-Nekane 25/12 Ainhoa-Julia, Libe-Naroa M. 25-/15 Marta-Malena eta Ihart-Gisela 25/23 Helena-Romane.
Arratsaldean, maila bakoitzeko finalen aurretik, kinielak jokatu dituzte neskek ahalik eta partida gehien jokatzeko. Lau final dira, 16:00etan hasiko direnak eta 20:00etan emango diote hasiera azkenari, nagusieneri. Hurrengokoak dira finalak: Lide-Kattalin VS Nare B.-Aitza, Idoia-Nekane VS Elene-Mirari, Libe-Naroa VS Garazi-Laia eta Erika-Irati VS Ihart-Gisela.
Berritxuko Zesta Eskolatik “oso pozik” agertu dira txapelketaren erantzunagaz. Finalei dagokionez, 3. mailan Idoia eta Nekane getariarrak nagusitu ziren 25-17ko markagailuagaz Elene eta Mirarik osatutako etxeko bikoteari. Bigarren mailakoan, txapela etxean geratu zen, Garazik eta Laiak 25-20 irabazi zuten. Nagusienetan, Erikak eta Iratik 25-20 mendean hartu zituzten Ihart eta Gisela.
