Amaitu dituzte Berriatuko kioskoko horma-irudiko margoketa lanak
Prozesu parte hartzaile baten bitartez, herriko belaunaldi ezberdinetako pertsonekin margolan bat sortzea izan da asmoa. Irailean hasi ziren horma-irudia diseinatzen, eta urrian kolorez bete dute.
Berriatuko Udalak Bertso Paper Lehiaketa antolatu du lehenengoz
Azaroaren 28ra arte aurkeztu daitezke lanak. Hiru mailatan banatuko dituzte parte hartzaileak: 14 urtera artekoak, 15 eta 18 urte bitartekoak eta 18 urtetik gorakoak. Sari banaketa ekitaldia abenduaren 13an egingo dute.
173 lagun batuko ditu Lea Artibai Fest '19 egitasmoak
Azaroko zubian, barikutik [hilaren 1a] domekara [hilaren 3a] eskualdeko herrietan bisita gidatuak eta tokiko produktuen dastaketak egingo dituzte.
Rakel Elu Bengoetxea: "Zubilanak egin ditut langile eta politikarien artean"
2015 urtean hautatu zuten Elu lehendakari. Ordutik, gizarte eta ingurumen arloetan buru-belarri lan egin du, mankomunitatea indartuz. Eguenerako [urriak 31] iragarri dute lehendakari berriaren izendapena, 17:30ean izango da ekitaldia.
Altsasuko gazteei elkartasuna adierazteko Iruñean egingo duten manifestaziora joateko autobusak antolatu dituzte
Altsasuko zazpi gazteei babesa adierazteko manifestazioa egingo dute zapatuan [urriak 26], eta Markina-Xemeindik, Ondarroatik (Mutrikun egingo du geldialdia) eta Aulestitik autobusak aterako dira. Guztietan aldez aurretik izena eman behar da.
Otsailera arte luzatuko dituzte Munitibarko Hondakin Uren Araztegia eraikitzeko lanak
Dagoeneko intsalazioak eta makineria prest ditu Bilbao Bizkaia Ur Patzuergoak, eta datozen asteetan proba elektrikoak egiten hasiko dira. Bitartean, obra ingurunea atontzen ari dira. 2020ko udan egongo da erabilgarri.
60 urte bete ditu aurten Munitibarko frontoiak
Bizilagunek biziki miresten dute 1959an eraiki zutenean herriari egin zion ekarpena.Izan ere, esku pilotaren eta zesta-puntaren harrobia izan da.
Ziortza-Bolibarko mendi martxan izena emateko epea zabalik dago
Azaroaren 20a [eguaztena] da izena emateko azken eguna, eta bi modu daude: 652 73 94 65 telefono zenbakira deituz (edota Whatsapp bidez mezua bidaliz), ziortzabolibarmendimartxa@gmail.com helbide helektronikora mezua idatzita.
VII. Errege Bideko kroseko xehetasunak argitu dituzte
Azaroaren 24an [domeka] egingo dute proba. Izena egunean bertan eman beharko dute parte hartzaileek, Berriatuan edota Saturraranen.
Martxan da Ispasterko III. Literatura Lehiaketa
Azaroaren 22a [barikua] dute parte hartzaileek lanak bidaltzeko azken eguna. 2013. urtetik aurrera jaiotako bizilagunak aurkeztu daitezke lehiaketara.
Sormen eta lehen sorospen ikastaroak eskainiko dituzte Ziortza-Bolibarren
Azaroaren 9an [zapatua] Koloro Sormen Lantegia egingo dute, frontoian. Azaroaren 16an [zapatua], berriz, Lehen Sorospen Kurtsoa, udaletxean. Urriaren 31 [eguena] da azken horretan izena emateko azken eguna.
69 lagunek eman dute aldez aurretik izena Mutrikuko mendizale helduen ibilaldian
Domekan [urriak 27] egingo dute ibilaldia, eta egunean bertan izena emateko aukera egongo da, Goiko Plazan. 14 kilometro inguruko martxa egingo dute parte hartzaileek.
Herritarrentzako tailerrak eskainiko ditu Lea Ibarra Mankomunazgoak datozen asteetan
'Teknologia berrien erabilera gurasoentzako' eta 'Zaintzaileen zaintza' dira tailerrak, eta doan izango dira. Mankomunazgora deituta (94-684 29 63) edo herri bakoitzeko udaletxean izena eman behar da.
Urriaren 31 da Amorotoko pilates eta yoga ikastaroetan izena emateko azken eguna
Udaletxean eman behar da izena, eta azaroaren 5etik hasita, martitzenero eskainiko dituzte pilates saioak. Azaroaren 6az geroztik, eguaztenero elkartuko dira yoga saioetan. Bata zein bestea 19:00etatik 20:00etara izango dira.
Mutrikuko udal egutegiko argazki lehiaketan parte hartzeko azken eguna urriaren 18a da
Lanak udaletxeko sarreran utzi beharko dituzte parte hartzaileek, formatu digitalean (USB memoria edo CD batean, jpg formatuan) eta fisikoki (A4 tamainan).
