Gabiolari omenaldia egiteko udalbatza aretoa utzi izana salatu du Urquijok
Terrorismoaren biktimentzako irain-orde ekitaldia “berehala” antolatzeko eskatu dio Carlos Urquijo Espainiako Gobernuko ordezkariak Lekeitioko Udalari. Joan den eguenean [irailak 15] espetxetik irtendako Andoni Gabiola preso ohiari omenaldia egiteko Lekeitioko Udalak udalbatzarreko aretoa utzi izana salatu du Urquijok eta horren aurkako administrazioarekiko auzi errekurtsoa jartzea agindu du.
Espainiako Gobernuko ordezkariak “eremu publikoa erabiltzeko baimena ez ematea eta, hortaz, ekitaldia bera balio gabe uztea” eskatu du gainera.
“Ziur nago Lekeitioko herritar gehienak lotsatuta daudela herrian ematen ari den zentzugabekeriagaz; burugabekeri hutsa da, moraltasun gabekoa eta alkateak onartuta terrorismoaren biktimei egindako iraina”, esan du Urquijok.
