Natxo Leuzaren 'N' Diawaldy Bouly' lanak eraman du 39. Euskal Zine Bilerako film onenaren saria

2016/10/23

Atzo gauean [urriak 21] banatu ziren 39. Euskal Zine Bileraren sariak. Amaiera ekitaldi jendetsua eta hunkigarria izan zen; Kontxu Odriozola, euskal aktorea izandakoa berriz ere gogoratu zuten, eta hainbat aurpegi ezagun bildu ziren bertan, Euskal Telebistako zuzendaria Edu Barinaga, Donostiako zinemaldiko zuzendaria Jose Luis Rebordinos eta Tessa Andonegi, Sara Cozar eta Asier Hormaza aktoreak, besteak beste.

Natxo Leuza film onenaren saria eta Ekoizpen onenaren saria esku artean dituela sari banaketaren amaieran. Argazkia: Eneko Zuberogoitia

Natxo Leuzaren N ?Diawaldy Bouly lanak eraman zuen profesional mailako film onenaren saria, amateuretan, berriz, Koldo Garcia eta Maite Bidarten Karta Astrala saritu du 39. Euskal Zine Bilerak. Ekoizpen onenaren saria ere eraman zuen Leuzak eta adierazi zuenez, irabazitako diru guztia, bere filmeko protagonistentzako izango da, “Mauritaniako herri bateko bizilagunentzako”. Bigarren sari bat lortu zuen bai eta ere, Koldo Garcia eta Maite Bidarteren Karta Astralak. Amateur mailako Gidoi saria eskuratu zuten.

Koldo Garcia eta Maite Bidarte amateur mailako film onenaren saria hartzen. Argazkia: Eneko Zuberogoitia

Sariak. Koldo Goitia Lekeitioko alkateak eman zituen film onenaren sariak. 1.300 euro eta urrezko antzarra eraman zituzten Maite Bidartek eta Koldo Garciak; 1.900 euro eta urrezko antzarra, berriz, Natxo Leuzak.

Zuzendaritza onenerentzako saria Jose Luis Rebordinos Donostiako Zinemaldiko zuzendariak eman zuen. Felipe Ugarteren Hasierak irabazi du amateur mailan. Profesionaletan, Jorge Gil Munarriz nagusitu zen Xinta dantza izeneko lanagaz. Joxean Coya Ayudan-ek irabazi zuen amateur mailako Ekoizpen onenaren saria Korronteari aurre. Euskal balezaleak Islandian lanagaz, eta Natxo Leuzak profesional mailakoa. Edu Barinaga ETBko zuzendariaren eskutik jaso zituzten zilarrezko antzarrak. Profesional mailako Gidoi saria Begoña Vicariorentzat izan zen, Beti Bezperako Koplak filmagatik.

Argazki saria Sergei Soberaren Euphoriak, amateur mailan, etaJorge Gil Munarrizen Xinta Dantzak irabazi zuten.

39. Euskal Zine Bilerako saridunak, sariak eskuetan, sari banaketaren ostean. Argazkia: Eneko Zuberogoitia

Sari bereziak. Urtero modura, gazteen lana eta genero ikuspegia hobetoen txertatzen duen lana saritzen du Euskal Zine Bilerak. Gazte 22 saria, aurten, herritar batentzat izan da; Eneko Zuberogoitia lekeitiar gazteari eman diote, 280º filmagatik.

Antzar Morea, bestalde, Beti Bezperako koplak filmak eraman zuen, Begoña Vicarioren lanak. Antzar Morea saria Lekeitioko Udaleko Emakume eta Berdintasun batzordeak ematen du eta sariaren ebazpena elkarlanean egiten da genero ikuspegian adituak diren bi emakumerekin, Bea Azpirigaz eta Iratxe Fresnedagaz.

Bea Azpiri, genero ikuspegian adituak, eta Arantza Bengoetxea Lekeitioko berdintasun batzordeko kideak eman zioten atzo, saria, Begoña Vicariori. Apaintze Lehiaketa. Beste alde batetik, atzo goizean banatu ziren bai eta ere, Lekeitio zinemaz girotzeko herriko ostalari eta dendariei zuzendutako III. Apaintze Lehiaketa. Aurtengo saritua Traola Produkzioak-eko Xabier Villalba izan da.

Erlazionatutako edukiaKontxu Odriozolari omenaldi hunkigarria eskaini dio Euskal Zine Bilerak