Ondarroako Saiñazio gestorak kezka agertu du, "euriteek lanak moteldu ditzaketelako"
Zortzi hilabete beteko dira datorren martitzenean (azaroak 8) San Ignazio 40-46ko bizilagunak etxebizitzetatik atera zituztenetik. Hilabeteko lehen zapatuan egin legez, gaur [azaroak 5] Kamiñalden elkartu dira kalteturiko bizilagun, dendari eta lur jabeak, beste hainbat herritarrekin batera. Isilean egin dute ekintza, eta kezkatuta, euriak eragin ditzakeen kalteen jakitun. Goizane Zabala Arrizabalaga Saiñazio Mendi Azpixan gestoraren bozeramaileak ere kezka bera agertu du: “Ez genuena nahi ailegatu da, euria. Mendiaren beheko zati bat falta da kentzeko, eta euriagaz txarto beharko dute”. Udalak esan die otsailean etxebizitzetara bueltatzeko moduan egoteko itxaropen osoa daukala.
Ondarroako Sain?azoi Mendi Azpixan gestoraren azaroko mobilizazioa
