Izan garelako oraindik ere bagara izenburuagaz, Ondarroako Udal Erakusketa aretoak adinekoek gaur egungo gizartean euren ezagutzak eta bizipenak transmititzeko eta balioak irakasteko duten ahalmena bistaratzen du erakusketak. Gaur [irailak 8] inauguratu dute, eta herritarrek hilaren 17ra bitartean bisitatu ahalko dute. Ordutegia ondokoa izango da: bariku, zapatu eta domeketan, 12:00etatik 14:00etara eta 19:00etatik 21:00etara.
Erakusketa Igurco Zerbitzu Soziosanitarioak egin du, Euskal Herriko Unibertsitatearen, Bizkaiko Foru Aldundiaren eta Metro Bilbaoren laguntzagaz. Inaugurazio ekitaldian egon dira Zunbeltz Bedialauneta Ibaibarriaga Ondarroako alkatea, Rakel Elu Lea-Artibai Amankomunazgoko presidentea eta Sonia Robles Igurco Taldeko gizarte langilea.
Zarraga, Bengoetxea eta Osa, inaugurazio ekitaldian.
Inaugurazio ekitaldia hunkigarria izan da, oso. Ez bakarrik Roblesek erakusketak duen helburua azaldu duelako. Baizik eta erakusketa osatzen duten zazpi argazkietako batean hiru emakume ondarrutar direlako protagonista: Maria Trinidad Bengoetxea Burgoa (Trini), Maria Mercedes Zarraga Larrañaga eta Maria Concepcion Osa Zubikarai (Miren). Eta hain justu, gaurko ekitaldian hiru protagonistak lehen lerroan egon dira eserita.
Gainera, Bedialaunetak eta Eluk opari bana eman die, urteetan egin duten lanagatik eta herria eta herritarrak gaur egun direna izateko egin duten ekarpenagatik. Roblesek erakusketaren inguruko azalepanek eman eta gero, Elu izan da lehena hitza hartzen: “Lehenik eta behin, eskerrak eman nahi dizkiot Igurco Taldeari egindako lanagatik, eta batez ere lan hori egiterakoan gure herriko emakumeekin gogoratzeagatik. Izan ere, erakusketan gizon eta emakumeak agertzen badira ere, zati handi baten, gaur egungo Ondarroa den bezalakoa da urteak atzera herriko emakumeek egindako lanari esker”. Eluk, gainera, hiru ondarrutar protagonistei esker oneko berbak eskaini nahi izan dizkie. “Esan nahi dizuet oso harro nagoela zuetaz, eta tartean nire ama dagoenez, berari ere esan nahi diot beragaz oso harro nagoela”.
Halaber, inaugurazio ekitaldia aprobetxatu nahi izan du Eluk Ondarroan Eguneko Zentroek egiten duten lana eskertu eta zentro gehiagoren premia dagoela aldarrikatzeko. “Nik, Ondarroako Udaleko Ongizateko Batzordeburu modura, Eguneko Zentroak daukan garrantzia azpimarratu nahiko nuke. Urteetan eskatu izan dugu herrian Eguneko Zentro bat nahi genuela, eta azkenean lortu genuen. Azken finean, zentro honek horrelako ekimenak egiteko aukera asko ematen ditu; aberasgarria da. Baina gutxinaka-gutxinaka lortu behar duguna da herri guztietan, ez bakarrik herri handietan Eguneko Zentroak edukitzea. Oso aberatsa eta oso gauza ona da Eguneko Zentroa, eta herriko adinekoentzako aukerarik onena da”.
Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Inaugurazio ekitaldia hunkigarria izan da, oso. Ez bakarrik Roblesek erakusketak duen helburua azaldu duelako. Baizik eta erakusketa osatzen duten zazpi argazkietako batean hiru emakume ondarrutar direlako protagonista: Maria Trinidad Bengoetxea Burgoa (Trini), Maria Mercedes Zarraga Larrañaga eta Maria Concepcion Osa Zubikarai (Miren). Eta hain justu, gaurko ekitaldian hiru protagonistak lehen lerroan egon dira eserita.
