Erabakitzeko askatasunaren aldeko aldarria zabaldu dute Markina-Xemeinen

Eider Mugartegi

Amoroto,Aulesti,Berriatua,Etxebarria,Gizaburuaga,Ispaster,Lekeitio,Markina-Xemein,Mendexa,Munitibar,Ondarroa,Ziortza-Bolibar

2017/10/14

Demokraziaren eta erabakitzeko askatasunaren aldeko manifestazioa egin dute gaur [urriak 14] eguerdian Markina-Xemeinen. Eskualde guztiko jendea batu du Lea-Artibaiko Gure Esku Dago dinamikak deitutako ekimenak. Markina-Xemeinen Lea-Artibaiko Urriko Azoka Nagusia ospatzen zela eta, bertan batzeko deia egin zuten Lea-Artibai osoko herri dinamikek. Goiko Portalean hasi da manifestazioa, eta Zelai aurretik eta alde zaharretik igaro da manifestazioa udaletxeari buelta emanda, berriz Goiko Portalean amaitzeko. Ixilik egin dute ibilbidea, esteladak, ikurrinak eta hautetsontzia ere eraman dituztelarik. Amaitzeko, Agure zaharra abestia kantatu dute guztiek batera.

Gure Esku Dago-ren manifestazioa Markina-Xemeinen

Erlazionatutako edukiaMarkina-Xemeingo kaleak bete ditu Urriko Azoka Nagusiak