Ibon Iparragirreren aldeko giza katea egingo dute zapatuan Basaurin
Preso gaixo larri ondarrutarraren egoera “muturrekoa” dela eta Basauriko espetxea eta osasun-etxea lotuko dituen giza katea egingo dute zapatuan 12:00etan. Sare herritarrak antolatu du ekimena ‘Mugi gaitezen! Berandu baino lehen Ibon etxera!’ lelopean.
Basaurira joateko autobusak egongo dira. 10:30etan aterako dira Zaldupetik, eta beran joan ahal izateko beharrezkoa da aurretiaz izena ematea Anaitasuna eta Kulixka tabernetan. Baina autobusak Mutrikutik, Berriatuatik eta Markina-Xemeindik ere aterako dira. 10:20ean aterako dira Mutrikuko biribilguneko geltokitik, 10:40ean Berriatukotik eta 10:50ean Markina Xemeingotik; Mutrikuko Zubixa tabernan, Berriatuko Zentrala tabernan eta Markina-Xemeingo Txokoan eman behar da izena.
Baina ez da aste honetan Ibn Iparragirreren askatasuna eskatzeko egingo den ekitaldi bakarra izango Basaurikoa. Eguaztenean Tolosako triangulo plazatik eta eguenean Iruñeako Santo Domingotik ere beste bi giza kate egingo baitituzte, biak 19:00etan.
Bien bitartean, Ondarroan domeka eguerdietan elkarretaratzeak egiten jarraitzeko asmoa dutela adierazi dute. Domekan ere udaleko bi taldeak eta hainbat herritar batu ziren, Iparra Galdu Baik plataformarekin batera. Durangon, Bilboko Santutxu auzoan eta Barakaldon ere egin zituzten elkarretaratzeak.
HONEKIN LOTUTA:
Domekan Ondarroan egin zuten elkarretaratzea. Argazkia: Ondarroako Udala
- [Urriak 27]: Ondarroako Udalak Ibon Iparrgirre aske uztea eskatu du, aho batez
- [Urriak 26]:Ibon Iparragirrerekin legea betetzea eta aske lagatzea eskatu dute Bizkaiko Batzar Nagusiek
- [Urriak 23]: Jendetza batu da Ondarroan Ibon Iparragirre etxera ekartzea eskatzeko
- [Urriak 30]:Ibon Iparragirre preso ondarrutarrari 104.4 artikulua plikatu edo ez galdetu dio Castro epaileak espetxeko medikuari
