Hondakin organikoa biltzeko sistema berriak Lea-Artibaiko 24.000 biztanleri eragingo die
Lurretik lurrera izenburupean, Lea-Artibain organikoa batzeko proiektu pilotua aurkeztu dute gaur [abenduak 1] Lea-Artibai Amankomunazgoak eta Bizkaiko Foru Aldundiak. Azaldu dutenez, Lea-Artibain proiektu pilotua abian jarri badute ere, emaitzak aztertu eta gero, hondakin bilketa sistema bera Bizkaia osora hedatzea bideragarria den edo ez erabakiko dute. Proiektu pilotua 6 herritara mugatzen da (Berriatua, Etxebarria, Markina-Xemein, Lekeitio, Ondarroa eta Ziortza-Bolibar) eta 24.000 biztanleri eragingo die.
Lehenik eta behin informazio kanpaina indartsu bat egin dutela argitu du Rakel Elu Bengoetxea Lea-Artibai Amankomunazgoko presidenteak. “Herritarrei sistemaren nondik norakoak azaltzeko hezitzaileak etxez etxe joan dira eta joango dira, herritarrenganak ailegatzeko biderik zuzenena hori dela uste baitugu”. Organikoa birziklatzeko kit-a banatu eta azalpenak ematen dituzte hezitzaileek. Azaroan Berriatuan eta Ondarroan egin dira, eta abenduan Lekeition ibiliko dira. Azkenik, urtarrilean Markina-Xemein, Etxebarria eta Ziortza-Bolibarren egingo dute informazio kanpaina eta materialaren banaketa.
“Agintaldi honetan lortu dugu udal ordezkari guztiok hondakin sistema bateratu bat adostea, eta uste dugu hori herritarrek ere eskertuko dutela”, esan du Eluk. Halaber, agintari politikoak adostasun batera ailegatu bitartean, azken 4-5 urteetan eskualdeko hainbat herritan hondakin organikoak batzen aritu izan diren herritarrei ere aipamena egin nahi izan die. “Horretan oso emaitzak onak jaso dira”.
Bizkaia mailan materia organiko osoa bereiztuko duen lehenengo eskualdea izango da Lea-Artibai. “Honen guztiaren helburu nagusia da birziklapen tasak igotzea. Gaur egun %30a da, eta datozen urteetan %70 ingurura ailegatzea espero dugu; sistema berri honekin hori lortuko dugulakoan gaudea”.
Bizkaiko Aldundiko Ingurumen diputatu Elena Unzuetak eta Eluk Berriatuko Milloi auzoan dagoen hondakinak biltzeko gunean egin dute aurkezpena; bi agintariek aldamenean izan dituzte ondoko herrietako alkate eta zenbait zinegotzi: Berriatua (Jon Arriola), Lekeitio (Koldo Goitia), Ondarroa (Zunbeltz Bedialauneta), Etxebarria (Jesus Iriondo), Ispaster (Garbiñe Saez de Buruaga), Aulesti (Mikel Antsotegi), Gizaburuaga (Jose Luis Azpiazu) eta Mendexa (Jesus Maria Anakabe).
Aurkezpenean parte hartu duten agintariek aho batez eskatu diete herritar guztiei proiektu pilotuan parte hartzeko. “Guztion erantzukizuna da gure seme-alaben etorkizuna hobea izatea”.
Orain arteko datuak. Ondarroan %75ak hartu du materiala (kit-a), eta Berriatuan %70ak. “Helburuetara iritsi gara”. Orain Lekeition eta gainerako herrietan egingo dute kanpaina, eta hori amaitu eta gero, materiala hartu ez dutenei eskutitzak bidaltzea aurreikusten dute. Horrez gain, uda sasoian bigarren buelta bat ere egingo dutela esan dute. “Lekeition, esaterako, bigarren etxebizitza duten kanpotar asko daude, eta horiengana ere ailegatu egin behar gara”.
Amankomunazgoak errefuxa botatzeko edukiontziak ere berritu egin ditu, eta momentuz txip barik funtzionatzen badu ere, edukiontzi berriek txipa jartzeko aukera eskaintzen dutela esan dute. “Beraz, baliteke aurrerago errefuxari ere txipa jartzea”.
INBERTSIOAK+MATERIALA:
Lea-Artibaiko alkateak, zinegotzi batzuk, Rakel Elu Lea-Artibaiko Amankomunazgoko presidentea eta Elena Unzueta Ingurumen diputatua.
Amankomunazgoak errefuxa botatzeko edukiontziak ere berritu egin ditu, eta momentuz txip barik funtzionatzen badu ere, edukiontzi berriek txipa jartzeko aukera eskaintzen dutela esan duteHondakinak nora? Herri horietako hondakin organikoak Berriatuko Milloi auzoan dagoen hondakinak biltzeko gunera eramango dituzte, eta handik konpostegira. “Konpostegian beharreko tratamendua egin eta gero, konposta aztertu eta zer nolako kalitatea daukan argituko da”.
Unzueta eta Elu, hondakin organikoak biltzeko materialekin.
- Lea-Artibai Amankomunazgoa: 159.775 euro komunikazioan, kit-ak eta edukiontziak; 166.804 hondakinen bilketarako (urtero) + tatatutako tona bakoitzeko dagokion kanona; 80.000 euro herrietan bosgarren edukiontzia ipintzeko. “Inbertsioa handia bada ere, datozen urteetara begira ekonomikoki sostengarriagoa izango da”. Errefuxaren kanona %92 inguru da, eta organikoarena %53.
- Bizkaiko Foru Aldundia: 68.545 euro Milloiko hondakinen gunean teilatu bat jartzeko eta 30 metro kubikoko biltegia ezartzeko.
- Edukiontziak: 73 edukiontzi ezarri dituzte, eta horrela banatu dituzte: Berriatua (9), Etxebarria (4), Lekeitio (20), Markina-Xemein (11), Ondarroa (27) eta Ziortza-Bolibar (2).
- Zer dago kit barruan? 10 litroko edukiera duen ontzia+konpostagarriak diren poltsak (100 poltsa kit bakoitzeko)+edukiontzi marroia irekitzeko pertsonalizatutako txartela+hozkailurako iman bat+edukiontzi marroira bota ahal diren hondakinei buruzko azalpenen eskuorri bat.
