Kepa Arrizabalaga atezain ondarrutarrak kontratua berritu du Athleticagaz
Bateko eta besteko hainbat eta hainbat zurrumurruren ostean, ondarrutarrak 2025 urteko ekainaren 30era arte luzatu du kontratua Bilboko taldegaz. Jakitera eman dutenez, etete klausula 80 milioi eurotan ezarri dute. Gaur goizean [urtarrilak 22] eman du jakitera kontratuaren berritzea Athletic Clubek. Josu Urrutia presidenteak eta atezainak berak sinatu dute kontratua Ibaigane jauregian.
Arrizabalaga 2004-2005 denboraldian sartu zen Athleticeko harrobiko taldeetan, eta orduz geroztik, klubeko talde gehienetatik igaro ostean, iaz egin zuen debuta lehen taldeagaz A Coruñan. Aurretik, 2. mailako Ponferradina eta Real Valladolid taldeetan aritu zen utzita. Iazko azaroan Espainiako selekzioagaz ere debutatu zuen, Malagako (Espainia) La Rosaleda zelaian Costa Ricari 5-0 irabaziz.
Urrutia eta Arrizabalaga, kontratu berria sinatu ostean.
