Ondo baino hobeto pasatu dute Hego Haixe kantu bazkariko partaideek

Etxebarria,Lekeitio,Markina-Xemein,Ondarroa

2018/11/03

Girorik ez du falta izan gaur [azaroak 3] Markina-Xemeinen ospatu den V. Hego Haixe kantu bazkariak. 13:00etan elkartu dira Kontzekupean parte hartzaile eta antolatzaileak, kantu liburuak hartu eta ekitaldiari hasiera emateko, eta leku berean hasi dira kantuan. Kantu bazkaria jai egunen ostean zetorrela-eta hasiera batean kezkatuta zeuden antolatzaileak, baina, gaur ere ez dute hutsik egin kantuzaleek. Urtero modura, arrakastaz egin da kantua, musika eta giro ona batzen dituen ekitaldia. Denetara 113 lagun elkartu dira kantuan egin, bazkaldu eta lagunartean gozatzeko. Markina-xemeindarrak ez eze, eskualdeko kantuzaleak bai eta kanpokoak ere animatu dira hitzordura.

[zuzenean ARGAZKI GALERIA IKUSI]

Kontzekupe aurrean, Guen Kalean eta Zelai parean kantuan eginda abiatu dira Lea-Artibai Ikastetxeko jantokira bazkaltzera. Aurtengo kantu bazkarian Kuba izan da gonbidatua. Hala, Kubako Habana 537 taldeak batek eman dio hasiera bazkalosteko jaiari. De Capricho taldeko Dana Moya Avilak ere pare bat kanta abestu ditu, eta Karmelo Alegria, Jose Luis Arrieta eta Jose Aransolok ere ekarpena egin eta abesti batzuk eskaini dituzte. Antolaitzaileei esker ona erakutsi nahi izan diete propio kantu bazkarirako prestatutako abesti bereziagaz.

Guen Kalean abesten.

Eta hasiera-hasieratik modura, Angel Mariezkurrena ibili da aurkezle lanetan, eta hari laguntzen eskualdeko zein Nafarroako musikariak aritu dira. Mirari Azkune Etxebarriko trikitilaria, Ander eta Aintzane Agirrebeña eta Aitor Ibarra Jalisco eta Francisco Santxotena. Zapiak astindu, irrintziak bota eta dantzan ere eginez ederto pasatu dutela azpimarratu dute parte hartzaileek.

Erlazionatutako edukiaARGAZKI GALERIA: V. Hego Haixe kantu bazkaria