Markina-Xemeingo aratusteak

2016/02/08

Markina-Xemeinen, esate baterako, gaur [otsailak 7] ospatu dute inauterietako egun handia. Goizean goizetik jai usaina nabaria zen herrian, eta eguerdia ailegatu orduko zelaia eta inguruko kaleak mozorrotutako jendez bete dira. Ohi modura, Zerutxu dantza taldeko kideek inauterietako Zaragi dantza saioa eskaini dute kalerik kale. Eurekin batera, data hauetan falta ez den pertsonaia ere izan da: hartza. Hartz iletsua inguruko jendea beldurtzen saiatu da. Dantza saioaz gain, herriko kuadrillak kalejiran atera dira herriko txoko guztiak musika eta kolorez janzten, eta ostean, Abarka antzerki taldeak Antzar jokoa irudikatu du zelaian. Abarkako kideek, betiko legez, saioa ikustera bertaratu diren guztiak aho zabalik utzi dituzte euren ateraldiekin. Urtero modura, bazkaria eduki dute koadrila askok eguerdian, herriko hainbat txokotan. 450 lagun inguru batu dira esate baterako Atxondo kiroldegiko herri bazkarian. Elutxa txarangagaz batera kiroldegiko herri bazkaritik Goiko Portalera kalejira egin ostean, arratsaldeko kalejira egin dute mozorrotuek, eta Hemen be bai Markina-Xemeingo merkatari elkarteko kide eta udal ordezkariez osatutako epaimahaiak azken erabakia hartzeko aukera izan dute. Hauek izan dira aurtengo sarituak: 17 urtetik beherakoak. Bakarka edo bikoteka