Umeei zuzendutako ekimenek pisua hartuko dute asteburuan Aulestin
Aulestin umeei zuzendutako ekitaldiak antlatu dituzte astebururako. Trolebu Elkarteak zine emanaldia eta Urzabal Guraso Elkarteak irteera antolatu dituzte.
Asteburu honetan umeek ez dute aspertzeko aukerarik edukiko Aulestin. Izan ere, eurentzako zuzendutako eskaintza izango dute eskura Trolebu Elkarteari eta Urzabal Guraso Elkarteari esker.
Barikuko zine emanaldiagaz ekingo diote asteburuari. Bariku arratsalderako Trolebuk proposatzen duen pelikula Garfield 2 izango da. Emanaldia 17:30ean , udal areto nagusian, izango da.
Zapatuan, berriz, umeentzako berezia den irteera antolatu du Urzabal Guraso Elkarteak: Mungian dagoen Olentzeroren baserrira joango dira. Irteera dela-eta, dantza saioa atzeratu egin behar izan dute. Abenduaren 18an izango da.
Olentzeroren baserrirako autobusa 09:15ean aterako da frontoi ondotik eta buelta 18:00ak aldera egitea aurreikusten dute. «Sarrera zazpi euro dira, eta autobusera sartzerakoan kobratuko ditugu», aitatu dute. Egun guztiko irteera izanik, bazkaria ere kanpoan egingo dute. Bazkaria bakoitzak eroan beharko du.
