Esku pelota txapelketa, 40 urtetik gorakoentzat
Udal Kirol Patronatuak VI. Trinketeko Esku Pilota Txapelketa ipiniko du martxan aurten be
Aurten be martxan ipiniko dute VI. Trinketeko Esku Pilota Txapelketa. Txapelketa Udal Kirol Patronatuak antolatzen du, eta helburua jende helduak parte hartzea da.
Binakakoa izango da lehiaketa eta gitxienez 40 urte bete behar dira 2011n. Partidak domeka goizeetan jokatuko dira, urtarrilean, otsailean eta martxoan eta antolatzaileek aurreratu dutenez, pelota goxoak erabiliko dituzte. Horretaz gainera, 50 urtetik gorako hiru bikotek izena emonez gero, eurentzat txapelketa berezia egingo dutela zehaztu dute antolatzaileek. “Horrela, adin nagusiko jendea be animatu nahi dugu”, esan dute.
Jokatu nahi dutenek, kiroldegian eman behar dute izena 2011ko urtarrilaren 8a orduko. “Ea Mutriku, Ondarroa, Gernika-Lumo, Markina-Xemein, Munitibar eta inguruko jendea animatzen den”, esan dute.
