Nahixan taldeak Ondarroan aurkeztuko du ‘Harribitxia’, doan
Kontzertua eguazten honetan, urtarrilaren 5ean, izango da. Nahixan talde mutrikuarrak Harribitxia disko barriaren doinuak eramango ditu eguazten gauean Ondarroako Kafe Antzokira. Ez da sarrerarik ordaindu beharko; doan izango da. Aldaketekin dator, gai...
Kontzertua eguazten honetan, urtarrilaren 5ean, izango da.
Nahixan talde mutrikuarrak Harribitxia disko barriaren doinuak eramango ditu eguazten gauean Ondarroako Kafe Antzokira. Ez da sarrerarik ordaindu beharko; doan izango da. Aldaketekin dator, gainera, gaur gaueko kontzertua. Izan ere, hasiera batean Split 77 taldearekin jotzekoa zen Nahixan, baina azkenean eurak bakarrik eskainiko dute kontzertua. Split 77-k hilaren 22an joko du, Kerobia taldeak jo behar zuen egunean, Kerobiako kide batek min hartu eta saioa bertan behera laga dutelako.
Athletic-en partiduaren
ostean
Kontzertuaren hasiera orduarekin ere egon da aldaketarik. Izan ere, hasiera batean kontzertua 22:30ean hastekoa zen. Baina, justu gaur, 22:00etan, Athletic-Barcelona Kopako futbol norgehiagoka jokatuko da. Hori kontuan hartuta, antolatzaileek azkenean erabaki dute kontzertuaren hasiera partidua amaitu ostean izatea.
Nahixan taldeak bere bigarren urtean bigarren diskoa du Harribitxia. Durangoko Azokan aurkeztu dute. «Lehenengo lanean baino sentimenduak ageriago daude», pop estiloan landu duten diskoan. Serrano ekoizpen etxe entzutetsuaren eskutik atera dute lana.
