Esnearen Ligaren batzar zabalak hasiko dira barriro, martitzenean
Hilean bilera bat egongo da eta Ondarroako Kofradia Zaharrean egingo dira, inguruko herriei be zabalik Euskadiko Esnearen Ligaren barruan orain dela urte bi sortu zen Lea-Artibai eta Mutrikuko taldea. Aurten be ekingo diete informazio batzar zabalei. L...
Hilean bilera bat egongo da eta Ondarroako Kofradia Zaharrean egingo dira, inguruko herriei be zabalik
Euskadiko Esnearen Ligaren barruan orain dela urte bi sortu zen Lea-Artibai eta Mutrikuko taldea. Aurten be ekingo diete informazio batzar zabalei. Lehenengoa martitzen honetan izango da, hilaren 11, 18:00etan, Ondarroako Kofradia Zaharrean. Bularra emotea eta loa izango da gaia.
Ekainera arte egongo dira batzarrak: hilean bat. Beti izango dira leku eta ordu berean. «Batzar hauek zabalik daude bularra emoteari buruzko informazioa jaso eta partekatu nahi duten guztientzat», esan dute Lea-Artibai eta Mutrikuko Esnearen Liga taldeko kideek. «Gainera, haurrak be ongietorriak izango dira bertan», gaineratu dute.
Bularra emotearen onurak zabaltzeagaz batera, Esnearen Ligak, haurdun dauden emakumeek edo bularra emoten daudenek izan ditzaketen kezkak argitzen laguntzea du helburu.
BATZARRAK
- Urtarrilak 11. Gaia: Bularra emotea eta loa.
- Otsailak 1. Gaia: Bularra emotea eta lana.
- Martxoak 8. Gaia: Etxean zure jaiobarriagaz.
- Apirilak 5. Gaia: Bularra emoteari buruzko mitoak eta egiak.
- Maiatzak 3. Gaia: Katuka, oinez eta hizketan badakien haurrari bularra emotea.
- Ekainak 7. Gaia: Amagandiko edoskitzea, aukera osasungarriena.
