Astelehenean hasiko dira berdeletan
Baxurako arrantzaren egutegian datorren astelehena dago markatuta berdeleta sasoia hasteko. Bermeo, Lekeitio, Ondarroa eta Mutrikuko txalupak prest daude, amukoak zein zerkokoak. Eguraldi iragarpenek itsaso txarra egongo dela diote, eta horren arabera ...
Baxurako arrantzaren egutegian datorren astelehena dago markatuta berdeleta sasoia hasteko. Bermeo, Lekeitio, Ondarroa eta Mutrikuko txalupak prest daude, amukoak zein zerkokoak. Eguraldi iragarpenek itsaso txarra egongo dela diote, eta horren arabera izango da denboraldi hasiera.
Zerkoan dabiltzan itsasontziei eguneko 8.000 berdel kiloko kuota ezarri diete egun bakoitzeko, aurtengorako; amuekin dihardutenei, barriz, 2.500 kilo eguneko.
Egunkako kuota ezartzeari ez deritzote txarra Ondarroan galdetutako arrantzaleek: «Horrela apur bat luzatu badaiteke berdeleta, izan daiteke prezioa zer edo zenbat dezenteagoa izatea; baina, bueno, hori da aldez aurretik guk espero duguna, gero ikusi egin beharko da». Iaz, hogei egun baino ez zituen iraun berdeletak.
