Antxoa kiloaren prezioak behetik amaitu du astea
Antxoaren kanpaina polito doa. Astean Kantabriako, Galiziako, Lekeitioko eta Ondarroako itsasontziak sartu dira portura, antxoa kilo dexentegaz. Halan eta be, antxoa kiloaren prezioak asko egin du behera azkan orduetan. Atzo goizean behe-behetik egin z...
Antxoaren kanpaina polito doa. Astean Kantabriako, Galiziako, Lekeitioko eta Ondarroako itsasontziak sartu dira portura, antxoa kilo dexentegaz. Halan eta be, antxoa kiloaren prezioak asko egin du behera azkan orduetan.
Atzo goizean behe-behetik egin zuen prezioak bentan. Bataz beste, 1,80 eurotan saldu zen kiloa. Ohi legez, horretan eragin zuzena eduki zuen antxoaren tamainak. Asko etorri bazen be, garauak aurreko egunetakoak baino txikiagoak izan ziren. Danetara, atzo, 16.000 kaxa lehorreratu zituzten arrantzaleek. Kofradiaren inguruan ez zen lanik falta izan goizean goizetik eguerdira arte.
400 tona inguru
Astelehenetik eguenera bitartean Kalare Deuna Kofradian sartu den antxoaren tamaina 48 garautik 26 garau artekoa izan da. Azkan hori gitxi sartu da. Astelehenean kiloa 3,30 euro eta 3,40 euro bitartean saldu zen. «Prezio ona». Oraingo astean, danetara, 400 tona saldu dituzte bentan.
Antxoaren kanpaina alde batera lagata, txitxarrotara atera ziren arrantzaleak atzo arratsaldean. Astelehean sartuko dute txalupek barriro antxoa preziatua.
Martxoaren 11ak ekarri zituen aurtengo lehenengo antxoa garauak, sardinagaz nahastuta, ezustean. 42 sartzen ziren kiloan. Hasierako kaxek 10 euro inguru egin bazuten be, 24 ordu geroago, 3 eurora ezin ailegatuta geratu ziren salmentan.
