Lea-Artibai Bertsolari Gazteen Sariketako finalista
Bizkaiko Bertsolari Gazteen BBK Sariketaren finalean egongo da aurten be Lea-Artibai. Maila bietan irabazi zioten Bilboaldeari Markina-Xemeinen jokatutako finalerdian. Bertsolari titularrekin etorri zen Bilboaldea Markina-Xemeingo finalerdira; halanda ...
Bizkaiko Bertsolari Gazteen BBK Sariketaren finalean egongo da aurten be Lea-Artibai. Maila bietan irabazi zioten Bilboaldeari Markina-Xemeinen jokatutako finalerdian.
Bertsolari titularrekin etorri zen Bilboaldea Markina-Xemeingo finalerdira; halanda be, Lea-Artibaikoak izan ziren nagusi. maila biak aritu ziren ondo eta puntuazio hobea lortu zuten.
Lau neska eta bi mutilek osotzen dute, aurten, Lea-Artibai. Nagusien mailan Iturraspe falta dute oraingoan, eta bere ordez, nerea Ibarzabal ari da. Ibarzabal, nahiz eta gaztea izan, nagusietara pasatu dute eta Aissa Intxausteik bete du berak utzitako lekua.
Bertsolariak:
Nagusien mailan
- Xabat Galletebeitia (Lekeitio)
- Eneko Arrate (Markina-Xemein)
- Nerea Ibarzabal (Markina-Xemein)
Gazteen mailan
-
Josune Aramendi (Markina-Xemein)
- Elene Lejarzegi (Lekeitio)
- Aissa Intxausti (Lekeitio)
Finala Bilboko Kafe Antzokian izango da apirilaren 14an.
