Mugarrien bideari jarraituta, Bizkaiari buelta emon zion Klaudio Antxiak orain dela 50 urte. 70 urte lepoan, buelta hori emon zuen lehenengoa izan zen Australia ezizenez ezagutzen zen ibiltaria. Ekainaren 4an irten zuen, eta 18an amaitu. Ekimen hori gogoan, omenaldia egingo diote zapatuan Artibai Mendigoizale Taldeak, Bizkaiko Mendizale Federazioak eta Bizkaiko Foru Aldundiak. Klaudio Antxia ibiltari handia izanik, mendi irteeragaz hasiko da ekitaldia. 09:00etan, autobusa hartuko dute geltokian, Isuara joateko. Usartzatik hasiko da ibilaldia. Max-Kalamuara igoko dira 10:30ean, eta gero, Arrixatik Etxebarriara jaitsi, eta bide gorritik egingo dute buelta Markina-Xemeinera. 13:00etan, ekitaldia egongo da udaletxean. Ibilbidea erraza izango da, eta mendizale guztiez gainera, batez be, Klaudio Antxiagaz ibilitakoak gonbidatu ditu mendigoizale taldeak ekimenera. Lehenengoa Bizkaiari buelta emoten lehenengoa izanik, berak egindako ibilbidea GR 123- Bizkaiko Bira moduan homologatu zuen federazioak. Hamalau etapa behar izan zituen berak, aspaldiko asmoa zuena egi bihurtzeko. Goiz triste batean irten zen Saturrarandik, motxila lepoan eta makila luzea eskuan zuela. Kalamuraino Agustin Arrate eta Jose Maria Pagegi izan zituen lagun, baina, handik aurrera, bere txakur Arin izan zuen laguntzaile bakarra. Elgetaraino ailegatu zen lehenengo egunean, euripean bederatzi ordu eta erdi egin eta gero. Bigarren etapan, barriz, Arrazolara heldu zen, eta hirugarrenean Otxandiora. Arrabarako ibilbidea egin zuen laugarren [...]
Berriatuan jendarte bizia dagoen seinale da bertan urte osoko dinamika daukaten hamabi talde egotea. Ez da marka makala tamaina horretako herriarentzat. Talde horiek urte osoan egiten duten lana aitortu eta eskertu egingo da etzi, bide batez jai eguna ospatuta. Amaitu barri den udal agintaldiaren amaieran zinegotzien artean sortutako ideia izan da Taldeen Eguna ospatzearena. «Normaltasunez hartzen dugu astebururo zesta-punta edo futbol partiduak egotea, eskolaz kanpoko jarduerak egotea, edo kultur ekitaldiak egotea, baina aukera horien guztien atzean taldeen lana dago, eta hori eskertu beharrekoa dela uste dugu», esan du alkate Imanol Mugartegik. «Udalak eta herriak berak taldeen lana aintzat hartzeko eguna izango da zapatua, eta bide batez ondo pasatzekoa», nabarmendu du. Izan be, jai izaera emon diote Taldeen Egunari. «Hasieran pentsatu genuen errekonozimendurako ekitaldi formal bat egitea, baina gero, taldeen izaerari be jaramon eginda, eta eurei behar handirik eragin barik, jai moduko eguna ospatzea hobe zela erabaki genuen». Horrela, bada, kirol-jolasak, musika eta, batez be, herri giroa izango dira nagusi etziko egitarauan, «beti bidelagun diren talde guztiei gorazarre eginez». Egitaraua.- 11:00. Jokuak herriko plazan, baloi, bizikleta eta zestagaz, txapel jaurtzea, eta abar. 14:00. Triki-dantza-poteo-bazkaria, dana batera. 16:00. Taldeei errekonozimendu ekitaldia. Ondoren. Tarine musika eskolak eta koruak Berriatuko ereserkia abestuko dute. Jarraian. [...]
San Joan Jaietarako prestaketan hasi dira jada Ziortza-Bolibarren. Jai Batzordearen barruan, Aranbaltz kultur elkartekoen ardura izango da hilaren 23ko Sorgin Gaua prestatzea, eta ezer be azken ordurako laga barik, entsegurako deia zabaldu dute. Bariku...
Zapatuan hasiko dira sanjoanak Amallon, gehiago itxaron barik. Eskualdeko eta inguru zabaleko gazte askorentzako udako denboraldiaren hasiera izaten da urtero Amalloko kontzertua, eta aurten be hemen dator. Aurten, jaietarako aurrekontua asko murriztu denez, Jai Batzordeak be «arriskuak neurtu» eta gastuak jaietako hiru egunen artean gehiago banatu ditu. Vendetta eta Surfin Kaos taldeek joko dute kontzertuan eta ostean Gora Herria taldeagaz erromeria egongo da. «Herriko auzo guztiei banatzen die Udalak diru kopuru bera, egun bakarreko jaia egin, zein hiru eguneko egitaraua eduki; eta gure kasuan, Gabonetako eta Santa Agedako santa-eskeekin, zozketagaz eta jaietako tabernagaz osotzen dugu aurrekontua», esan du Jai Batzordeko kide Lander San Martinek. «Alde horretatik asko eskertu beharrekoa da amalloarren aldetik egiten den ekarpena; Gabonetan pasatzen gara abesten eta etxe bakoitzean igoal 50 euro emoten dute, eta handik gitxira, Santa Agedan, beste 50», gehitu du. Beharrerako orduan be ez dira atzera geratzen Amallokoak. Auzo txikia izanda be, Jai Batzordean, antolaketan eta jaietako lanetan 30 bat gazte ibiltzen dira. «Eta helduak be hor ibiltzen dira, behar piloa egiten, sozietatean». Diru aldetik krisia hor egon arren, aurten be goitik ospatu ahal izango dira jaiak Amallon, auzotarren ahaleginari esker. Egitaraua.- Ekainak 18, zapatua 22:00. Kontzertua Surfin Kaos eta Vendetta taldeekin, eta ondoren [...]
Ekainaren 23ra arte Kultur Astea ospatuko du Lekeitioko Eskola Publikoak. Ikasturtean landutako guztia, kultur artekotasuna eta proiektuak ezagutzera emongo dituzte ekimenen bitartez. Batzuk eskolan bertan burutuko dira; beste batzuk, ostera, herrira atarako dituzte, eta ikuskizun bereziak be antolatuko dituzte herrira begira. Herrirako antolatutako ekimenen artean daude barikuan, 19:00etan, kultur etxean egongo den Musika Eskolako entzunaldia eta domekan egongo diren erakusketa eta pailazoak. Herriko plazan, 11:00etan, eskolako ikasleek egindako lanak ikusgai ipiniko dituzte. Bestalde, Pirritx, Porrotx eta Mari Motots pailazoen ikuskizuna egongo da herriko frontoian 18:00etan. Horretaz gainera, San Juan Gaua be antolatuko dute ekainaren 23an: jolastokian, 18:00etatik 21:00etara, munduko jolasen ludoteka erraldoia jarriko dute; 21:30ean, haur dantzaldia egongo da; 22:30ean Sanjuan Sua; 22:45ean suzko zezena, eta 23:00etan, berbena. Eskolan Antzerki emanaldiak, bisita gidatuak, hitzaldiak, irteerak eta ipuinak edukiko dituzte eskolan bertan. Horrela, Arrain Bentara, Ondartzabal itsasontzira eta herriko liburutegira bisitak egingo dituzte ikasleek aste honetan, eta Lea Ibilbidera eta Lumentza mendira be irteerak egingo dituzte. Horretaz gainera, antzerki emanaldiak eskainiko dituzte ikasleek, bai eta abestiak be. Ikasleez gainera, gurasoek be edukiko dute zeregina. Barikuan, hitzaldia egongo da eurentzat 10:30ean, irakasle gelan. Haur Hezkuntzako eta LHko ikasleen elikapenaz jardungo dute Kontxi Martinez de la Peraren eskutik. Martitzenean, barriz, ipuin kontalari jardungo [...]
Nestor Landaribar, Danel Eizagirre, Gotzon Eizagirre eta Ondarru Otxoantesana. Eurak dira San Town Losers, eta eurak egongo dira barikuan, 23:30etik aurrera, Kafe Antzokian, orain urtebete sortutako egitasmoa erakusten. Agertokira maketan jaso dituzten...
Orain arte herriko aguazila eta pasa den zapatutik hona Mendexako alkate barria den Jesus Anakaberen lan egoera hurrengo udal plenoan argituko da. Osoko bilkura hori datorren asteko eguenean, hilaren 23an, izango da. Kasu berezia izanik, legeak ezartze...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
