Euskal ohituren plaza izango da Galdona
Urteroko osagaiekin prestatu ditu Kaltzakorta Irusta sendiak Galdonako jaiak aurten ere, inoiz hutsik egiten ez duten osagaiekin. Barikuan abiatuko dira, 38. Tute Txapelketarekin. Aurrekariak betez gero, 25 bat bikote ariko dira zein baino zein karta jokoan. Gauzak asko aldatzen ez badira, gainera, gizonak izango dira nagusi mahai bueltan. Aurreko hiru urteetan horrelaxe izan da, behinik behin. Tartean, baina, Azkoitiko emakume bi ariko dira. Pazko Astelehenean izango dira ekimenik gehienak, 12:00etako mezarekin hasita. Azpillaga eta Mañukortaren bertso saioak barre algarak ekarriko ditu gero, eta ostean, eguerdi partean, atsedenaldia. Nagusientzako herri kirol erakustaldiak aizkolari eta harri-jasotzaile ezagunak bilduko ditu beste behin ere. Eta euria egin ala ez, Gorritiren animalien saio berezia izango da arratsaldean, gaztetxoei hainbeste gustatzen zaien erakustaldia. «Ondarroatik eta Mutrikutik ume eta guraso asko etortzen dira», esan dute antolatzaileek. Eurek argi daukate: «Ondo pasatu nahi baduzu etorri, giro polita egongo da eta». EGITARAUA Apirilak 6, barikua 16:30. 38. Tute Txapelketa. Izena 16:15 aldera eman beharko da. Sei sari banatuko dira: 1. saria: bildots bi; 2. saria: bildots bat eta txanpan botila bi; 3. saria: bildots bat; 4. saria: lau txanpan botila; 5. saria: ardo kutxatila bi; 6. saria: ardo kutxatila bi. Izen ematea bikoteko: 15 euro. Kanporaketa zozketa bidez [...]
Urteroko osagaiekin prestatu ditu Kaltzakorta Irusta sendiak Galdonako jaiak aurten ere, inoiz hutsik egiten ez duten osagaiekin. Barikuan abiatuko dira, 38. Tute Txapelketarekin. Aurrekariak betez gero, 25 bat bikote ariko dira zein baino zein karta jokoan. Gauzak asko aldatzen ez badira, gainera, gizonak izango dira nagusi mahai bueltan. Aurreko hiru urteetan horrelaxe izan da, behinik behin. Tartean, baina, Azkoitiko emakume bi ariko dira.
Pazko Astelehenean izango dira ekimenik gehienak, 12:00etako mezarekin hasita. Azpillaga eta Mañukortaren bertso saioak barre algarak ekarriko ditu gero, eta ostean, eguerdi partean, atsedenaldia. Nagusientzako herri kirol erakustaldiak aizkolari eta harri-jasotzaile ezagunak bilduko ditu beste behin ere.
Eta euria egin ala ez, Gorritiren animalien saio berezia izango da arratsaldean, gaztetxoei hainbeste gustatzen zaien erakustaldia. «Ondarroatik eta Mutrikutik ume eta guraso asko etortzen dira», esan dute antolatzaileek. Eurek argi daukate: «Ondo pasatu nahi baduzu etorri, giro polita egongo da eta».
EGITARAUA
Apirilak 6, barikua
16:30. 38. Tute Txapelketa. Izena 16:15 aldera eman beharko da. Sei sari banatuko dira: 1. saria: bildots bi; 2. saria: bildots bat eta txanpan botila bi; 3. saria: bildots bat; 4. saria: lau txanpan botila; 5. saria: ardo kutxatila bi; 6. saria: ardo kutxatila bi. Izen ematea bikoteko: 15 euro. Kanporaketa zozketa bidez egingo da.
Apirilak 9, astelehena
12:00. Meza.
Ondoren. Bertsolariak: Azpillaga eta Mañukorta.
18:00. Herri kirol jaialdia. Aizkoran, Angel Arrospide eta Ugaitz Mugerza; harrijasotzen, Agustin Landarbide eta Joxe Ramon Iruretagoiena Izeta II.
Ondoren. Gorritiren saio berezia: poneyak, zezen txikiak, oilarrak. Arkumearen zozketa.
