Espainiako banderaren inguruko batzarra deitu du ezker abertzaleak
Lekeitioko Udalak udaletxearen kanpoaldean eta barrualdean Espainiako bandera jartzeko aginduari jarritako helegitea gaitzetsi du EAEko Justizia Auzitegi Nagusiak. Sententzia irmoa da eta udalak ezingo du helegite gehiagorik jarri. Erabaki horren gainean berba egiteko herri batzarra deitu du Lekittoko ezker abertzaleak. Inposisiorik ez! lemapean egingo da batzarra barikuan 18:00etan, kultur etxean.