Ekintzaz beterik dator asteburua Lea-Artibaira

Jaietan murgiltzeko aprobetxatuko dute gaurtik hasita asteburua aulestiarrek eta munitibartarrek. San Bizente jaiak ospatuz, egitarau zabala izango dute aukeran Lea-Artibaiko herritarrek. Hala, Aulestiko Narea auzoan bihar ospatuko dituzte jaiak, eta Munitibarren, ostera, gaurtik domekara bitartean. Biak ala biek izango dute zer eskaini herritarrei; besteak beste, meza, pilota partiduak, mus eta briska txapelketak, musika… izango baita. Narea (Aulesti) Urtarrilak 26, bihar. – Goizean zehar: Umeen jolasak eta trikitilariak giroa alaituz. – 12:00etan: Meza. – Ostean, zaldi dema Ibaratz Elkarteko Koikili eta Gaztiñei Elkarteko Itsu zaldiekin. Narea auzoko harri zaharragaz 20 minutuko saio bana egingo dute. – 17:00etan: Mus eta briska txapelketa. Museko sariak; lehenengoarentzat 200 euro, bigarrenarentzat 120 euro eta hirugarrenarentzat 90 euro. Briskako sariak: lehenengoarentzat 180 euro, bigarrenarentzat 120 euro eta hirugarrenarentzat 90 euro. Batan zein bestean izena emotea: 15 euro. – 23:30ean: Erromeria Esteibar eta Obietagaz. – Goizaldea: Txokolate jana, jaiari amaiera emoteko. Munitibar Urtarrilak 25, gaur. – 19:30ean: Triki-poteo tabernarik taberna. – 20:30ean: Erromeria Esteibar eta Obietagaz. Urtarrilak 26, bihar. Mozorro eguna. – 16:00etatik aurrera: Umeen parkea  herriko frontoian. – 16:30ean: Mus txapelketa. Sariak: lehenengoarentzat 300 euro eta txapela, bigarrenarentzat 200 euro, hirugarrenarentzat 100 euro, eta laugarrenarentzat 50 euro. Izena emotea: 15 euro. – 20:30ean: Txitxiburduntzi plazan. – 20:30ean: Erromeria, Bide Batez taldeagaz.Bitartean, umeen mozorro desfilea eta sari banaketa. – Goizaldean: Nagusien mozorro desfilea. Urtarrilak 27, etzi. – 11:30ean: Meza nagusia. – 12:30ean: Euskal musika tresnen erakusketa. – 16:30ean: Pilota partiduak. – 19:00etan: Bertso-pilota saioa. Bertsolariak: Gorka Ostolaza eta Arkaitz Estiballes. Pilotariak: Uberuaga-Galarza VI, Irusta-Berasaluze IX bikotearen aurka.