Euskal Herriko mendiko eskiko txapelketa irabazi du Quincocesek
Nahia Quincoces mendexarrak Euskal Herriko mendiko eskiko binakako txapelketa irabazi du asteburuan Europako mendietan (Espainia).Zapatuan jokatu zen Euskal Herriko txapelketa eta euskal koparako be puntuagarria izan zen. Kopako lehiaketa hainbat lasterketaren ostean asteburu honetan amaitzen zen. Hirugarren zegoen sailkapenean aste honetara arte Quincoces, baina asteburuan lehenengo eta bigarren sailkatuak lasterketara joan ez zirenez, kopa be lehenengo postuan amaitu du mendexarrak.
Asteburuko lasterketa “oso oso polita” izan dela azaldu du Quincocesek, “urteko lasterketarik politena” bere ustez. “Benetako mendiko eskiko lasterketa izan da, pistarik ez dagoen leku batean, polit-polita”, dio.
Lehenengoz parte hartu zuen Libe Leibar oiartzuarragaz binaka. Leibar junior mailakoa da eta lasterketa laburragoak egiten dago ohituta. Lehenengoz egin du horrelako lasterketa luze bat eta ederto egin duela dio Quincocesek. “Oso ondo konpondu gara alkarregaz eta pozik amaitu genuen”, dio.
Hurrengo astean Espainiako kopako proba dauka Quincocesek Aneto inguruan. “Beste maila bat egoten da Espainiako kopan eta horretara lehiatzera barik mendiagaz disfrutatzera joango gara”, dio mendexarrak.
