Auzolanean beharra eginda, ia prest daude Lekeitioko hiru etxebizitza
Zapatuan alkartu ziren herritarrak Lekeition Herri Asanbladak deituta. Helburu modura, auzolanean okupatutako etxebizitza bi bertara bizitzera joateko baldintzetan jartzea zeukaten.
Herri Asanbladako kideek balorazio positiboa egin dute. Hamabost lagun inguru alkartu ziren, eta hainbat behar egin zituzten etxeetan. “Etxeetako bat ia prest dago, armairu bat jartzea bakarrik falta da”, adierazi dute. “Bigarren etxean, elektrizitateko behar batzuk egitea falta da”, gaineratu dute.
Etxeak prest lagatzeaz gain, “auzolana bera” baloratu dute herri asanbladako kideek, “elkartasunagaz lor daitekeena” azpimarratuz.
Bestetik, elektrikari edo iturginen bat laguntzeko prest balego, eta herritarren batek hozkailuren bat edo armairuren bat emoteko moduan baleuka herri asanbaldagaz harremanetan jartzeko deia egin dute.
