141 lagunek egingo dute lasterka IX. Arnoko igoeran, domekan
Burumendi Mendizale Elkarteak antolatu du IX. Arnora igoera domekarako.
Igoera oinez egingo dutenentzako 08:00etan jarri dute irteera ordua; lasterketa korrika egingo dutenentzat, ostera, 10:00etan izango da irteera.
Ibilaldiak, denera, 22 kilometro dauzka. Antolatzaileek adierazi dutenez bidean janari eta edariak egongo dira parte hartzaileentzako.
Arnoko igoera korrika egin nahi dutenen izen emate zerrendak itxita daude dagoeneko. Danera, 141 lagunek eman dute izena.
Oinezkoen kasuan, beste aldetik, 186 mendizalek eman dute izena momentuz. Hala ere, horien kasuan domekan bertan be emon ahal izango da izena. 13 euro ordaindu beharko dituzte horretarako.
