Lekeitioko 35. ikurrina traineruen estropada jokatuko da domekan
11:00etan hasiko da domekan traineruen estropada. Bertoko taldeek be parte hartuko dute Lekeitioko estropadan: Lea-Artibaitik Lekittarrak eta Ondarroak, eta Busturialdetik Bermeoko Urdaibaik eta Elantxobeko Busturialdeak.
Lehenengo, nesken txanda jokatuko da, eta ostean, gizonezkoena. Gizonezkoenean lehenengo erlojupekoa egongo da, eta ostean, lerrokatutako txanda bi. Erlojupekoan minutu bateko tarteagaz aterako dira. Lerrokatutako estropada, ostera, txanda bitan jokatuko da.
Estropada Isuntza Arraun Elkarteak antolatuko du eta Bizkaiko Arraun Federakuntzaren Epaileen gainbegiratua eta zuzendaritza teknikoa edukiko du.
