Komunikazio arduraduna «zuzenean» aukeratu dela salatu du EAJ-k
Lekeitioko EAJ-k udaleko gobernu taldean dagoen Bilduren jarrera kritikatu du lanpostuen aukeraketan «gardentasun falta» erabili duela salatuz.
Iaz komunikazio arduraduna kontratatu zuten, eta EAJ-k salatu duenez, ez zen prozesu publikorik egin aukeraketarako. «Orain barriro aukeratu dute komunikazio arduradun bera», esan dute.
EAJren esanetan, Lekeitioko Turismo Bulegoaren kudeaketa be zuzeneko esleipeneko prozesduraren bidez kontratatu da. Eta gaineratu duetenez, ludoteka, kidegunea eta gazte informazio bulegoa kudeatzeko be «zuzenean egingo da aukeraketa».
«Gardentasun eta informazio falta eta kontratatzeko moduak salatu nahi ditugu», dio EAJ-k.
Udal gobernuan dagoen Bilduk dioenez, kontratazio danak «legearen barruan» egin dituzte.
«Komunikazio arduraduna kontratatzeko hiru enpresari egin genion deialdia, eta batek irabazi zuen», esan dute.
Gazte lekuan kontratu bat denbora baterako egin aurretik azterketa egin nahi izan dutela esan dute. «Ostean gazteek eurek erabakiko dute zer nahi duten eurentzako», diote. «Azterketaren esleipenerako jende ezberdinagaz egon ginen, eta egokiena aukeratu genuen», esan dute.
«Dana legearen barruan egin dugu; legeak uzten ez duenik ez dugu egin», adierazi dute.
