Bost ikastaro dakartza aurten Udako unibertsitate bolibartarrak
Astelehenean Udako Unibertsitate Bolibartarrari hasiera emongo diote, hirugarren urtez. Hala, astelehenetik barikura, 16:00etatik 18:00etara, bost ikastaro emongo dituzte, herrian bertan. Horrez gain, domekan erakusketa bat ikusgai jarriko dute.
Ikastaroetan parte hartu nahi duenak 5 euro ordaindu beharko ditu Bolivartiar Ikaskuntza Elkartearen kontuan: Euskadiko Kutxa 3035-0067-61-0670073265.
Dirua sartzean ikasleek izena, abizena, posta elektronikoko helbidea eta telefono zenbakia jarri beharko dute. Azkenengo egunean ikastaroetan parte hartu duten ikasle guztiek diploma bana jasoko dute.
Egitaraua
Uztailak 1. Leartiker-en eskutik, Elikagaien Teknologia ikastaroa (Osasun kapsulak). Hiru gai landuko dituzte: elikadura bariatu eta osasungarria (Nerea Basterretxea), ariketa fisikoaren garrantzia (Joseba Plaza) eta osasun mentala (Pedro Akarregi).
Uztailak 2. Euskal Eredu Matrilinealaren inguruko ikastaroa emongo du Mari Carmen Basterretxeak.
Uztailak 3. Nanozientzia: Txikiaren erronka handia ikastaroa emongo du Miren Isasak.
Uztailak 4. Publiko, pribatua… Hezkuntza sistema propioa: Estatuaren beharra ikastaroa emongo du Naroa Anabitartek.
Uztailak 5. Auzolan eta Kontseiluak ikastaroa emongo dute, eta, horren bitartez, gai bi landuko dituzte: Auzolan o Batzarre: Una estrategia para hacer frente a la actual crisis sistematica eta El concejo: La raiz democratica del Estado
Nabarro. Gabriel Valinek eta Iñigo Domaicak azalduko dituzte aipatu gaiak, hurrenez hurren.
Uztailak 7. 12:00etatik 14:00etara, Eibarko Politeknika Eskolako zientzilarien eskutik, Sostenguko energetikoari buruzko erakusketa.
