Likona eta Gojenola epaituko dituzte beste 38 gaztegaz batera, urrian
Segiko kide izatea egotzita epaituko dituzte Espainiako Auzitegi Nazionalean urriaren 14tik aurrera. Fiskalak seina urteko kartzela zigorra eskatu du bi gazteentzat.
Urriaren 14, 15 eta 16an, azaroaren 25, 26 eta 27an eta abenduaren 9, 10 eta 11n egingo dituzte saioak.
2009ko azaroan egindako sarekada batean Gaizka Likonaren eta Zuriñe Gojenolaren bila joan zen Espainiako polizia Lekeitioko euren etxeetara, baina ez zituzten topatu. 34 gazte atxilotu zituzten egun hartan.
Ostean, Gojenola Erroman (Italia) atxilotu zuten, eta Likona, Lapurdin.
Orain, baldintzapean libre daude gazte biak.
