Gaztetxea zabaldu dute Lekeitioko gazteek fraileen eraikinean
Zapatuan okupatu zuten gazteek urteetan hutsik egon den fraileen eraikina. Handik gitxira Ertzaintza agertu zen, eta barrura sartzen ahalegindu ziren. Gazteek adierazi dutenez, “gaztetxea ilegaki desalojatzeko asmotan” ateko katea mozten saiatu ziren. Baina berehala joan ziren.
Ostean, ateak zabaldu eta eraikinaren egoera txarra dela eta auzolanari ekin zioten.
“Azken urte honetan herritik eta herriarentzat izango den proiektua garatzeko beharrezkoa dugun gune hori aldarrikatzen ibili eta gero azkenean lortu dugu”, esan dute gazte asanbladako kideek. “Lekeitiokoa eta lekeitiarrena izango den Gaztetxea daukagu herrian“, gaineratu dute.
Lekeitioko Gazte Asanbladak gaztetxea “ezagutu eta bertan parte hartzeko deia” egin diete herritar guztiei. Auzolanerako deia be egin dute, gaztetxeari “bizia emon eta eraikina erabilgarri jartzeko”.
Eguaztenean, 19:00etan, gaztetxeko lehenengo asanblada egingo dute gaztetxearen norabidea zehazteko.
Gaztetxea erakusteko bideoa grabatu dute gazteek:
