Lekeitioko malekoia konpontzeko “aukera errealak” daudela dio Lekeitioko Udalak

Duela hilabete batzuk aurkeztutako proiektua bere gain hartzeko asmoa erakutsi dio Eusko Jaurlaritzako Portu Zuzendaritzak. Proiektu horren harira, udala Portu Zuzendaritzarekin harremanetan jarri da aurrera begira egin beharrekoa bideratzeko. Portu zuzendaritzak Itsasertz Mugartearen baimenaren zain dago orain. Horrela ba, Itsasertz Mugarteak eragozpenik jartzen ez badu, proiektua bideragarri izateko aukera errealak daudela dio udalak.
Portu zuzendaritza eta Lekeitioko Udala batzartu egingo dira, “malekoiko lanak egoki egin daitezen”
Guzti horregatik, Lekeitoko Udala eta Portu Zuzendaritza harremanetan daude eta proiektuaren nondik norakoak zehazteko hitzordua jarriko dute. Batzarrean azken urteetan irlako moilan egon diren gora behera guztiak ezagutu eta tartean emandako pauso guztiak mahairatuko dituzte. Bide beretik, aurrera begira egin beharreko lanak eta ardurak koordinatuko dituzte. malekoia Irlako moilak dituen berezitasu historiko eta arkeologikoak era kontuan edukitzeko beharrezko datuak be mahairatuko dituzte. Horrela, proiektuak argi berdea jasotzen duen momentuan, lanak ahalik eta egokien egin daitezen. Lekeitioko Udalak proiektua martxan jartzeko bere esku dagoen guztia egingo duela esan du. “Moilarekiko eskumenak dituzten administrazioekin egon beharreko elkarlana ziurtatzen saiatuko gara”.