Urteroko ekimenak ekarri ditu Karmen Egunak Markina-Xemeinera

Goizeko txistularien eta bandaren kalejiraren ostean, eguerdian, Zerutxu Dantza Taldeak aurreskua egin die agintariei Goiko Portalean. Dantzan hasi orduko euria hasi, eta aterpe bila plaza ertzetara egin du jendeak. Amaitu ostean geratu da euria, eta momentuz, ez du gehiago egin. Urtero legez, bandaren kontzertuak emon dio jarraipena Karmen Egunari. Plazabarripean, danetariko obrak eskaini ditu Markina-Xemeingo bandak. Aulki danak beteta eta jendea tente egon da kontzertuagaz gozatzen. zerutxu Karmen Egunean ohitura den modura, familiek eta lagunek alkarregaz bazkalduko dute gaur, arratsaldeko ekimenen aurretik. Arratsaldeko egitaraua: 18:00etan: Herri kirolak, Zelaian. 18:00etan: Zesta-punta partidak, Uni frontoian. 19:30ean: Bertso saioa, Uhagonen: Jon Maia, Fredi Paia, Beñat Gaztelumendi eta Iratxe Ibarra. 22:00etan: Erromeria, Luhartz taldeagaz, Arkupe aurrean. 20:30ean: Elkarretaratzea, Arkuetan. Antolatzailea: Herrira. 01:00etan: Karaokea, txosnetan. Antolatzailea: Markina-Xemeingo Txosna Batzordea. Argazki galeria [nggallery ID=69] Jaien hasierako pregoia