Goierri Zirkuitua zapatuan hasiko da Amalloko BTT martxagaz

Hiru BTT martxek osatzen dute Goierri Zirkuitua: Amallokoak, Arretxinagakoak eta Aulestikoak. Zapatuan izango da lehenengoa, Amallokoa. 9:30ean hasiko da, eta parte hartzaileek ibilbide bi edukiko dituzte aukeran: 32 kilometroko luzea eta 27 kilometroko laburra. Martxan parte hartu nahi dutenek proba hasi aurretik eman behar dute izena, 8:15etik 9:15era. Hurrengo martxa Arretxinagakoa izango da, irailaren 28an egingo dena. Horretan, hiru ibilbide edukiko dituzte aukeran parte hartzaileek: 41 kilometroko luzea, 31 kilometroko ertaina, eta 26 kilometroko laburra. Horretan, 8:45etik 9:45era izango da izena ematea. Antolatu duten azkena urriaren 5ean izango da, Aulestin. Horretan ere 8:45etik 9:45era izango da izena emateko epea. Arretxinagako eta Aulestiko martxak 10:00etan hasiko dira. BTT