Bizkaiko Open Txapelketa bihar, Ispasterren

Goizean, 11:30ean hasiko dira eskupelota partiduak. Danera, binakako hiru partidu jokatuko dituzte pelotariek. Lehenengoan, Enbeitak eta Beitiak jokatuko dute Zelaia eta Txaberren kontra. Bigarrenean, ostera, Inuntziagak eta Anituak Albizu eta Garroren kontra jokatuko dute. Azkenengo partiduan, Uberuagak eta Cuek Uriona eta Egiaren kontra arituko dira. Partiduak Bizkaiko Esku Pelota Federazioaren laguntzagaz antolatu ditu Ispasterko udalak. Pelotaz gozatzeko aukera paregabea, bihar, Ispasterren. eskupelota